LEXO PA REKLAMA!

SHKARKO APP

Çfarë po ndodh me draft-statutin e Asociacionit? Stano jep detaje

8 Dhjetor 2023, 10:05, Kosova & Bota CNA
Çfarë po ndodh me draft-statutin e Asociacionit? Stano jep detaje
Peter Stano

Zëdhënësi i Bashkimi Evropian, Peter Stano, ka deklaruar në "RTV 21" se draft-statuti i Asociacionit të Komunave me shumicë serbe që u është paraqitur palëve në proces të dialogut në Bruksel (Kosovës dhe Serbisë) është i balancuar dhe evropian.

“Lidhur me draft-statutin e Asociacionit të komunave serbe, mund të kujtojmë vetëm se një propozim i ri i balancuar evropian për themelimin e Asociacionit të komunave iu paraqit partnerëve përkatës nga EUSR për dialogun e Beogradit në Prishtinë gjatë vizitës së tij në rajon në fund të muajit tetor dhe më pas u diskutua me të dyja palët gjatë takimit të liderëve në margjinat e Këshillit Evropian”, tha ai. 

Stano ka bërë të ditura arsyet se përse BE-ja nuk po e bën publike përmbajtjen e draft-statutit të Asociacionit, duke theksuar se vijojnë përpjekjet diplomatike për të ulur tensionet. 

“Propozimi i BE-së nuk është bërë publik pasi përpjekjet diplomatike janë në vazhdim. Ne kurrë nuk i zbulojmë dokumentet zyrtare publikisht dhe as nuk marrim pjesë në shkëmbime publike për to, ndërkohë që ato diskutohen. Të njëjtën gjë presim edhe nga partnerët, pasi është praktikë normale në ndërmjetësimin ndërkombëtar që procesi të zhvillohet në konfidencialitet”, tha më tutje Stano./CNA

Lajmet e fundit nga