LEXO PA REKLAMA!

SHKARKO APP

Dialogu Kosovë-Serbi/ Hill: Të gjithë duhet të bëjnë disa lëshime

8 Dhjetor 2023, 08:48, Kosova & Bota CNA
Dialogu Kosovë-Serbi/ Hill: Të gjithë duhet të
Ambasadori amerikan në Serbi, Christopher Hill

Ambasadori amerikan në Serbi, Christopher Hill, ka folur lidhur me dialogun Kosovë-Serbi, dhe mundësinë e arritjes së një marrëveshje.

Hill shprehet: "Unë mendoj se i gjithë procesi nënkupton që ju të jepni diçka, por edhe të merrni diçka". Pra, sipas tij, secili duhet të bëjë disa lëshime.

“Në të gjithë rajonin e Ballkanit Perëndimor nevojiten marrëdhënie shumë më të mira mes vendeve. Për Serbinë çështja e Kosovës është shumë e vështirë, nuk kam nevojë t’ia shpjegoj askujt në Serbi. Por unë mendoj se i gjithë procesi nënkupton që ju të jepni diçka, por edhe të merrni diçka“, tha ai në një intervistë për mediat serbe.

Sipas tij formula e paraqitur nga Miroslav Lajçak, është e mirë për të dyja vendet.

“Formula e paraqitur nga i dërguari i BE-së, Miroslav Lajçak, është një formulë e mirë. Serbët në veri të Kosovës duhet të kenë një perspektivë të qartë se si do të duket e ardhmja e tyre. Bashkimi i komunave serbe, për të cilin po negociohet, është një hap i qartë në këtë drejtim. Në të njëjtën kohë, Kosova dëshiron një të ardhme ku mund të anëtarësohet në disa organizata ndërkombëtare, e cila është gjithashtu pjesë e këtij procesi. Tani jemi në mes të negociatave dhe nuk dua t’i jap këshilla askujt, përveçse të them që të gjithë duhet të bëjnë disa lëshime për të marrë diçka. Unë mendoj se të gjithë e kuptojnë këtë“, ka deklaruar ai./ CNA

Lajmet e fundit nga