web counter
LEXO PA REKLAMA!

SHKARKO APP

App Store
Google Play

E fundit!

x

Qytetarët e këtij vendi evropian, së shpejti do të udhëtojnë pa viza në SHBA

8 Dhjetor 2023, 08:29, Kosova & Bota CNA
Qytetarët e këtij vendi evropian, së shpejti do të
Foto ilustruese

Kryeministri rumun, Marcel Ciolacu, tha se hyrja e Rumanisë në programin pa viza të SHBA do të shpallet në vitin 2024, përpara afatit 2025 të diskutuar me përfaqësuesit e SHBA-së.

Diplomati e bëri deklaratën gjatë një vizite në SHBA, ku u takua me ministrin e Mbrojtjes Loyd Austin dhe sekretarin e shtetit Antony Blinken, raporton "SchengenVisaInfo.com".

"Në bazë të asaj që kemi rënë dakord sot, mendoj se zyrtarizimi do të bëhet vitin e ardhshëm. Do të ketë një përpjekje të qëndrueshme si nga pala amerikane ashtu edhe nga qytetarët rumunë, duke përfshirë diasporën në Shtetet e Bashkuara, me një afat kohor deri në 2025 për heqjen e vizave. Ishte vërtet një diskutim praktik", u shpreh kryeministri rumun Marcel Ciolacu. 

Lidhur me çështjen e heqjes së vizave, Rumania do të nënshkruajë dy marrëveshje me përfaqësuesit amerikanë në lidhje me shkëmbimin e informacionit dhe bashkëpunimin për të luftuar krimet.

Ministrja e Jashtme rumune, Luminita Odobesku, vuri në dukje gjithashtu se çështja e vizave është një qëllim i rëndësishëm për vendin. Ajo u zotua gjithashtu se do të bashkëpunojë ngushtë me partnerët amerikanë dhe ambasadën amerikane./CNA

 





Lajmet e fundit nga