LEXO PA REKLAMA!

SHKARKO APP

Dhjetëra të vdekur dhe të zhdukur nga përmbytjet në Kinë/ Situata më alarmante në Pekin

9 Gusht 2023, 10:30, Kosova & Bota CNA
Dhjetëra të vdekur dhe të zhdukur nga përmbytjet në
Foto nga përmbytjet

Numri i të vdekurve nga përmbytjet e fundit në kryeqytetin kinez është rritur në 33, duke përfshirë pesë shpëtimtarë, ndërsa 18 të tjerë janë të zhdukur, njoftuan autoritetet vendase. 

Shiu i madh goditi veçanërisht zonat malore në perëndim të Pekinit, duke shkaktuar shembjen e 59,000 shtëpive, dëmtimin e 150,000 të tjerave dhe përmbytjen e më shumë se 15,000 hektarë tokë bujqësore. 

"Një numër i madh rrugësh janë dëmtuar, si dhe më shumë se 100 ura", tha të mërkurën nënkryetari i Bashkisë së Pekinit, Xia Linmao në një konferencë për shtyp.

Duke pasur parasysh nivelin e dëmtimit, mund të duhen deri në tre vjet për të rivendosur plotësisht të gjitha funksionet, tha Xia. 

Pjesë të tjera të Kinës përjetuan gjithashtu përmbytje të mëdha, pjesërisht për shkak të ndikimit të tajfunit Doksuri gjatë fundjavës, me dhjetëra njerëz të vdekur dhe të zhdukur. 

Një operacion shpëtimi është gjithashtu duke u zhvilluar në resortin turistik Yan në provincën jugperëndimore të Sichuan, ku një numër i madh vizitorë u 'rrëmbyen' nga rrëmbyen nga rrjedha e ujit./CNA

 

 

Lajmet e fundit nga