web counter
LEXO PA REKLAMA!

SHKARKO APP

App Store
Google Play

Osmani kërkon ndihmën e SHBA-së për përshpejtimin e anëtarësimit të Kosovës në NATO

8 Gusht 2023, 20:35, Kosova & Bota CNA

Osmani kërkon ndihmën e SHBA-së për përshpejtimin e

Presidentja e Kosovës, Vjosa Osmani, ka kërkuar ndihmën e SHBA për përshpejtimin e procesit të anëtarësimit të Kosovës në NATO, gjatë një takimi me senatorin amerikan, Jack Reed, të martën në Prishtinë.

”Kosova synon për anëtarësim në NATO dhe përfshirje në Partneritet për Paqe (PfP), ndaj është e rëndësishme edhe e domosdoshme mbështetja e SHBA-së në përshpejtimin e këtij procesi. Shpresa jonë është që Kosova të jetë sa më parë në PfP si hap që i paraprinë anëtarësimit në NATO”, ka theksuar Presidentja Osmani.

Osmani tha se Kosova është një histori suksesi e përfshirjes së Shteteve të Bashkuara të Amerikës në rrugën e lirisë dhe shtetndërtimit dhe se ShBA-të nuk kanë aleate dhe mike më të madhe në rajon se sa Republikën e Kosovës, e cila e ka popullin më proamerikan në Evropë dhe në botë.

Ndërkaq në raport me zhvillimet politike dhe të sigurisë, Presidentja Osmani ka theksuar se Kosova ka bërë hapa për shtensionimin e situatës në veriun e vendit, porse ka vërë në dukje veprimet destabilizuese të Serbisë dhe bashkëpunimin e saj me Rusinë.

Ajo, po ashtu ka theksuar se Kosova është shtet multietnik, Kushtetuta e së cilës garanton nivel të lartë të mbrojtjes së të drejtave dhe lirive të të gjitha komuniteteve. Sipas Presidentes Osmani këto të drejta dhe liri, janë thelbi i vlerave të shoqërisë së Kosovës dhe si të tilla duhet të mbeten të paprekura./CNA





Lajmet e fundit nga