web counter
LEXO PA REKLAMA!

SHKARKO APP

App Store
Google Play

E fundit!

x

Kina siguron paanshmëri në luftën në Ukrainë

8 Gusht 2023, 09:28, Kosova & Bota CNA

Kina siguron paanshmëri në luftën në Ukrainë

Kryediplomati kinez Wang Yi i tha homologut të tij rus se Pekini mbetet "i paanshëm" në luftën në Ukrainë.

Në një telefonatë të hënën, Wang i theksoi ministrit të Jashtëm rus Sergei Lavrov se Kina dhe Rusia janë "miq dhe partnerë të mire dhe të besueshëm".

“Për krizën e Ukrainës, Kina do të mbajë një pozicion të pavarur dhe të paanshëm, do të jetë objective dhe racionale, do të promovojë në mënyrë aktive bisedimet e paqes dhe do të përpiqet të kërkojë një zgjidhje politike në çdo rast ndërkombëtar shumëpalësh,”është shprehur Wang.

Arabia Saudite organizoi bisedime 2 ditore, ku rreth 40 vende, përfshirë aleatët kryesorë të Ukrainës, Shtetet e Bashkuara, Britania dhe Gjermania, si dhe India dhe një numër vendesh të Lindjes së Mesme, u takuan për të diskutuar zgjidhjen e konfliktit, gati 18 muaj që nga fillimi i pushtimit të Moskës.

Lavrov "vlerëson dhe mirëpret rolin konstruktiv të luajtur nga Kina" drejt një zgjidhjeje politike të "krizës së Ukrainës", tha Ministria e Jashtme e Kinës.

Përpara bisedimeve në Jeddah, ministri i Jashtëm i Ukrainës Dmytro Kuleba e quajti pjesëmarrjen e Kinës "një super përparim dhe një fitore historike".

Ukraina dhe aleatët e saj perëndimorë kanë shprehur prej kohësh shpresën se Kina dhe udhëheqësi i saj Xi Jinping, një mik i presidentit rus Vladimir Putin, mund të luajnë një rol në shtyrjen e Moskës drejt paqes.

Si Xi ashtu edhe Putin e shohin njëri - tjetrin si partnerë të fortë në riformësimin e asaj që ata e shohin si një të ri rend botëror.

Kina ka vazhduar të forcojë lidhjet e saj ekonomike, diplomatike dhe të sigurisë me Rusinë, pavarësisht pushtimit të Ukrainës nga Putin, të cilin Pekini nuk e ka dënuar kurrë./CNA

 





Lajmet e fundit nga