LEXO PA REKLAMA!

SHKARKO APP

Norvegjia merr vendimin, gjobit Metën me rreth 90 mijë euro në ditë për shkelje të privatësisë

8 Gusht 2023, 10:54, Kosova & Bota CNA
Norvegjia merr vendimin, gjobit Metën me rreth 90 mijë euro në
Foto ilustruese

Autoritetet norvegjeze kanë vendosur që të gjobisin pronarin e Meta-s, Mark Zuckerberg me 89,630 euro në ditë për shkelje të privatësisë. Masa administrative do të fillojë më 14 gusht, njoftoi të martën agjencia norvegjeze për mbrojtjen e të dhënave, raporton Reuters. 

“Nga e hëna e ardhshme do të zbatohet një gjobë ditore në shumën prej një milion kronash”, tha për Reuters Tobias Yudin, kreu i departamentit ndërkombëtar të Datatilsinet. 

Sipas tij, dënimi do të zbatohet deri më 3 nëntor.

Rregullatori norvegjez Datatilsinet paralajmëroi më 17 korrik se kompania amerikane do të gjobitet nëse nuk trajton shkeljet e privatësisë të theksuara nga rregullatori. Në njoftimin e Datatilsinet thuhet ndër të tjera se kompania Meta nuk mund të mbledhë të dhëna për përdoruesit, si vendndodhja fizike e tyre dhe më pas t'i përdorë për reklama të personalizuara.

Kompania Meta kishte afat deri më 4 gusht për t'i dhënë rregullatorit prova se ishte e angazhuar për zgjidhjen e problemit.

Kompania Meta nuk iu përgjigj menjëherë kërkesës për të komentuar këtë gjobë të vendosur nga institucionet kompetente norvegjeze.

 

 

 

Lajmet e fundit nga