web counter
LEXO PA REKLAMA!

SHKARKO APP

App Store
Google Play

E fundit!

x

Shpejtësi skëterrë në aksin Milot-Morinë, ndëshkohen 144 shoferë, gjobitet drejtuesi i "Audit A8"

15 Korrik 2023, 10:02, Kronika CNA

Shpejtësi skëterrë në aksin Milot-Morinë,

Policia e Shtetit gjatë dy javëve të para të muajit korrik ka ndëshkuar 144 shtetas që drejtonin automjetin përkatës, me shpejtësi nga 150 km/orë deri në 205 km/orë në aksin Milot-Morinë. 

9 shoferëve u është pezulluar patenta 3 deri në 12 muaj, si dhe iu janë zbritur nga 5 deri në 8 pikë nga leja përkatëse e drejtimit. 
Sakaq, 70 automjete janë shpallur “Alert”, pasi qarkullonin me shpejtësi tej normave të lejuara, në tunelin e Kalimashit.

Ndërkohë, policia ka gjobitur me 40 mijë lekë të rinj, shoferin e një "Audi A8" në Rrugën e Kombit, i cili ka qarkulluar me shpejtësi të madhe prej 205 km/orë duke rrezikuar jetën e qytetarëve. 

Njoftimi i policisë:

Qarkulloi me shpejtësi 205 km/orë, në Rrugën e Kombit, konstatohet nga mjetet inteligjente të Njësisë së Policisë Rrugore për Sigurinë e Autostradës “Milot-Morinë”, si dhe ndëshkohet me masë administrative 40 000 lekë të rinj dhe me masë plotësuese, drejtuesi i një automjeti tip “Audi A8”.
Gjatë 2 javëve të para të muajit korrik, shërbimet e Njësisë së Policisë Rrugore për Sigurinë e Autostradës “Milot-Morinë”, të pajisura me mjete logjistike bashkëkohore, ndëshkuan 144 shtetas që drejtonin automjetin përkatës, me shpejtësi nga 150 km/orë deri në 205 km/orë, prej tyre:

-135 shtetas kosovarë u ndëshkuan me masë administrative sa dyfishi i masës administrative që parashikon Kodi Rrugor;
-9 shtetasve shqiptarë iu është pezulluar leja e drejtimit për periudha nga 3 deri në 12 muaj, si dhe iu janë zbritur nga 5 deri në 8 pikë nga leja përkatëse e drejtimit.

Gjithashtu, gjatë kësaj periudhe, 70 automjete janë shpallur “Alert”, pasi qarkullonin me shpejtësi tej normave të lejuara, në tunelin e Kalimashit.

 

 





Lajmet e fundit nga