web counter
LEXO PA REKLAMA!

SHKARKO APP

App Store
Google Play

E fundit!

x

Dyshime për shpërdorim detyre/ Policia e Kosovës bastis banesat e dy zyrtarëve

14 Korrik 2023, 14:08, Kosova & Bota CNA

Dyshime për shpërdorim detyre/ Policia e Kosovës bastis banesat e

Ditën e djeshme Prokuroria Speciale e Kosovës njoftoi se ka bastisur banesat e dy zyrtarëve.

Mediat lokale raportojnë se pronat e bastisura janë të kreut ekzekutiv të Bordit të Ndërmarrjes Hidro-ekonomike “Ibër-Lepenci”, Faruk Mujka dhe këshilltarit të ministrit të Bujqësisë, Hysen Muzilukaj.

Sipas Prokruorisë, dyshohet se Mujka dhe Muzilukaj, "kanë shfrytëzuar me dashje detyrën apo autoritetin zyrtar, me qëllim të përfitimit të dobisë së kundërligjshme pasurore për vete apo për tjetrin, kanë tejkaluar kompetencat e tyre zyrtare dhe nuk i kanë respektuar detyrat dhe përgjegjësitë e tyre që të ushtrojnë funksionin e tyre në bazë të ligjit.”

Në banesën e njërit prej zyrtarëve janë gjetur dhe sekuestruar 60 mijë euro (60.000).

Në maj të vitit 2022, Prokuroria Speciale kishte pranuar informacione rreth dyshimeve për keqpërdorim të pozitës dhe autoritetit zyrtar nga dy persona, në atë kohë pjesë e strukturave udhëheqëse në komunën e Mitrovicës së Jugut.

Në fillim të këtij muaji, ndaj dy të dyshuarve ishte ngritur kallëzim për “keqpërdorim të detyrës apo autoritet zyrtar”.

Ata akuzohen se kanë shpërdoruar detyrën gjatë kohës që punonin në Komunën e Mitrovicës së Jugut, në vitin 2021./ CNA.al





Lajmet e fundit nga