web counter
LEXO PA REKLAMA!

SHKARKO APP

App Store
Google Play

E fundit!

x

Parlamenti i BE-së: Bullgaria dhe Rumania t'i bashkohen Shengenit deri në fund të vitit 2023

12 Korrik 2023, 15:31, Kosova & Bota CNA

Parlamenti i BE-së: Bullgaria dhe Rumania t'i bashkohen Shengenit deri

Parlamenti i Bashkimit Evropian ka miratuar një rezolutë të re ku kërkohet nga Këshilli i BE-së pranimi në Shengen për Bullgarinë dhe Rumaninë dhe t'i lejojë të dyja vendet t'i bashkohen zonës pa kufij para fundit të vitit.

Përmes një deklarate për mediat parlamenti ka zbuluar se rezoluta e re thekson se të dyja vendet kanë plotësuar të gjitha kriteret e nevojshme për t'u anëtarësuar në Shengen dhe janë mbështetur nga 526 eurodeputetë, ndërsa vetëm 57 ishin kundër.

Sipas të njëjtës, mbajtja e Bullgarisë dhe Rumanisë jashtë zonës Shengen dëmton socialisht dhe ekonomikisht popullsinë dhe bizneset në këto dy vende, raporton "SchengenVisaInfo.com". 

Rezoluta konkludon se mbajtja e Bullgarisë dhe Rumanisë jashtë Shengenit jo vetëm që dëmton tregun e përbashkët të BE-së duke penguar qarkullimin e lirë të mallrave midis shteteve anëtare, por gjithashtu ndikon në mjedis.

“Shëndeti i shoferëve, agjentëve të doganave dhe njerëzve që jetojnë pranë pikave kufitare është i rrezikuar nga ndotja e shtuar nga mijëra automjete që presin të kalojnë kufirin çdo ditë pasi rreth 46,000 ton CO2 emetohen çdo vit”, thonë eurodeputetët.
Rumania dhe Bullgaria, së bashku me Irlandën dhe Qipron, janë shtetet e fundit anëtare të BE-së jashtë zonës Shengen.

Ndërsa Irlanda kishte refuzuar të bashkohej në vitin 1985, Qipro nuk mund të bashkohet ende për shkak të problemeve të saj me Qipron Veriore.

 





Lajmet e fundit nga