E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Dhuna në Kuvend/ Lëvizja Vetëvendosje: U përpoq të bëhet grusht

13 Korrik 2023, 16:09, Kosova & Bota CNA

Dhuna në Kuvend/ Lëvizja Vetëvendosje: U përpoq të

Lëvizja Vetëvendosje në Kosovë ka reaguar në lidhje përleshjet fizike në sallën e Kuvendit të Kosovës ditën e sotme.

Një nga deputetët e PDK-së hodhi ujë kundrejt Kryeministrit të Kosovës, Albin Kurti, dhe më pas situata degjeneroi në dhunë fizike, ku u godit me grushta Ministri i Financave të Kosovës, Hekuran Murati.

Në një deklaratë zyrtare, Lëvizja Vetëvendosja shprehet se ‘dora e zgjatur e atyre që nuk e duan shtetësinë, demokracinë dhe ligjin e Kosovës, u përpoq të bëjë grusht’.

Ndër të tjera, në deklaratë thuhet se ky sulm erdhi si “veprim i koordinuar mes degëve të ndryshme të së njëjtës bandë: disa prej tyre i thonë vetes deputetë, disa i thonë vetes gazetarë, e disa protestues.”

Deklarata e plotë:

Krimi i organizuar dhe dora e zgjatur grusht nuk na ndalë në sjelljen e rendit dhe kushtetutshmërisë në Republikë

Sot në Kuvendin e Kosovës dora e zgjatur e atyre që nuk e duan shtetësinë, demokracinë dhe ligjin e Kosovës, u përpoq të bëhet grusht.

Teksa kryeministri Albin Kurti po mbante fjalim duke treguar për betejën e Republikës së Kosovës për shtrirje të rendit e të ligjit në veri të vendit, disa deputetë të PDK sulmuan me grushta, si një bandë rrugaçësh, kryeministrin dhe ministrat e Kosovës.

Ky sulm po bëhet ndaj qeverisë së parë të Kosovës e cila nuk e ka asnjë ministër apo zv.ministër të kontrolluar nga Beogradi. Ky sulm po bëhet pikërisht në një moment të rëndësishëm të ballafaqimit diplomatik e jo vetëm të Kosovës me Serbinë.

Ky sulm erdhi si veprim i koordinuar mes degëve të ndryshme të së njëjtës bandë: disa prej tyre i thonë vetes deputetë, disa i thonë vetes gazetarë, e disa protestues. Por Kosova do të ecë përpara në konsolidimin e shtetësisë së saj, pavarësisht sulmeve të tilla.

Lëvizja Vetëvendosje! mbetet e përkushtuar dhe e angazhuar për drejtësi dhe kriminelët që kanë dëmtuar shoqërinë e shtetin tonë për t’u pasuruar padrejtësisht, nuk do të amnistohen./ CNA.al