web counter
LEXO PA REKLAMA!

SHKARKO APP

App Store
Google Play

E fundit!

x

I dha një pije dhe e ftoi në shtëpi/ Vajza 19–vjeçare u mbajt si skllave seksi për 14 vite

9 Gusht 2023, 10:32, Kosova & Bota CNA
I dha një pije dhe e ftoi në shtëpi/ Vajza
Vladimir Cheskidov dhe dhoma ku u mbajt vajza

E tmerrshme dhe e pabesueshme është historia e një vajze nga Rusia.

Ekaterina ishte vetëm 19-vjeçe kur u takua me Vladimir Cheskidov. Ai i kishte blerë një pije dhe e kishte ftuar në shtëpi por më pas e mbajti si skllave seksi  deri në moshën 31-vjeçare.

Ajo u rrëmbye nga Cheskidov i cili tashmë është 51 vjeç dhe u mbajt rob në shtëpinë e tij në rajonin Smolina të  Rusisë, ku jetonte me nënën e tij, Valentina 72-vjeçare, e cila gjithashtu akuzohet për bashkëpunim në rrëmbim.

Sa herë që rrëmbyesi dilte nga shtëpia, e lidhte vajzën dhe i mbyllte gojën që të mos bërtiste dhe të kërkonte ndihmë.

Vladimir Cheskidov u arrestua një javë më parë, pasi Ekaterina arriti të arratisej kur ai ishte i dehur.

Ekaterina arriti të arratisej pas 14 vitesh robëri kur Cheskidov piu aq shumë saqë shfai probleme shëndetësore. Nëna e tij thirri një ambulancë sepse kishte frikë për jetën e tij. 

Ekaterina vrapoi në fshat dhe gjeti motrën e saj, Elenën, e cila nuk kishte pushuar së kërkuari prej 14 vitesh.

Hetuesit gjetën në shtëpinë ku vajza mbahej peng imazhe pornografike të varura në mur dhe shumë lodra seksi, me të cilat vajza mendohet se është torturuar.

Cheskidov dyshohet se ka vrarë edhe një grua tjetër në shtëpinë e tij, në vitin 2010, pasi kocka njeriu u gjetën përreth pronës së tij. Ekaterina pretendon se ajo u detyrua me thikë për të ndihmuar Cheskidov të copëtonte dhe asgjësonte trupin e gruas tjetër, Oksanës./CNA





Lajmet e fundit nga