E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

BE-ja e konfirmon letrën e deputetëve evropianë dhe amerikanë për Borrellin

9 Gusht 2023, 09:42, Kosova & Bota CNA

BE-ja e konfirmon letrën e deputetëve evropianë dhe

Josep Borrell

Zëdhënësi i Bashkimit Evropian Peter Stano, ka konfirmuar se përfaqësuesi i lartë i BE-së për Politikë të Jashtme dhe Siguri, Josep Borrell, e ka pranuar një letër nga disa deputetë evropianë dhe amerikanë.

Mësohet se në letër kërkohet nga Brukseli dhe Washingtoni që të ndryshojnë qasjen e tyre në raport me Kosovën dhe Serbinë.

“Si rregull i përgjithshëm, ne nuk komentojmë korrespondencën që Përfaqësuesi i Lartë (Borrell) merr nga bashkëbisedues të ndryshëm. Nëse akterët përkatës i shkruajnë atij, ai përgjigjet përmes kanaleve përkatëse. Ne nuk bëjmë korrespondencë përmes mediave”, deklaroi Stano në një deklaratë për mediat

56 deputetë nga Evropa dhe ShBA-të kanë kërkuar në letër ekuilibër dhe proporcionalitet në ndërveprimin me Kosovën dhe Serbinë.

Por, Stano rikujton se politika e jashtme drejtohet njëzëri nga shtetet anëtare të BE-së.

Ai theksoi se Bashkimi Evropian ka bashkëpunim të ngushtë me Shtetet e Bashkuara.

Duke konfirmuar neutralitetin në procesin e dialogut për normalizimin e marrëdhënieve ndërmjet Kosovës dhe Serbisë, Stano thekson se institucionet e Brukselit e vlerësojnë angazhimin e palëve në dialog “në bazë të meritave të tyre individuale dhe raporteve për shtetet anëtare”.

“BE-ja u ka dërguar kërkesa të dyja palëve për të zgjidhur tensionet aktuale dhe për të mundësuar vazhdimin e procesit të normalizimit. Bashkimi Evropian po monitoron me kujdes nëse Serbia i përmbush kërkesat e saj dhe është e gatshme të marrë masa në rast të mosrespektimit të këtyre kërkesave”, tha zëdhënësi i BE-së.

Në muaj qershor Brukseli vendosi masa ndaj Qeverisë së Kosovës për shkak të mospërmbushjes së kërkesave ndërkombëtare lidhur me de-përshkallëzimin e situatës në veri të vendit.

Një muaj më vonë Kosova pranoi të ndërmarrë disa hapa në drejtim të shtensionimit, të cilat Brukseli i vlerësoi si “hap në drejtimin e duhur”./ Klan Kosova