LEXO PA REKLAMA!

SHKARKO APP

Borrell dënon djegien e Kuranit në Danimarkë/ “BE-ja refuzon çdo formë të nxitjes së urrejtjes dhe intolerancës fetare”

26 Korrik 2023, 10:54, Kosova & Bota CNA

Borrell dënon djegien e Kuranit në Danimarkë/ “BE-ja

Përfaqësuesi i Lartë i BE-së, Josep Borrell, ka reaguar në lidhje me djegien e Kuranit nga një grup i quajtur “Patriotët Danezë” jashtë ambasadës së Irakut në Kopenhagën të Danimarkës.

Kryediplomati deklaron se BE-ja dënon çdo formë të nxitjes së urrejtjes dhe intolerancës fetare.

Ai thekson se përdhosja e Kuranit, apo e ndonjë libri tjetër që konsiderohet i shenjtë, është ofendues, mosrespektues dhe një provokim i qartë dhe se këto sjellje nuk kanë vend në Bashkimin Evropian.

“Pas akteve të fundit nga individë në Evropë që kanë shkaktuar ofendim për shumë muslimanë, BE-ja përsërit refuzimin e saj të fortë dhe të vendosur të çdo forme të nxitjes së urrejtjes dhe intolerancës fetare. Respekti për diversitetin është një vlerë thelbësore e Bashkimit Evropian. Kjo përfshin respektin për komunitetet e tjera fetare.

Përdhosja e Kuranit, apo e ndonjë libri tjetër që konsiderohet i shenjtë, është ofendues, mosrespektues dhe një provokim i qartë. Shprehjet e racizmit, ksenofobisë dhe intolerancës përkatëse nuk kanë vend në Bashkimin Evropian.

Ne vazhdojmë të mbrojmë lirinë e fesë apo besimit dhe lirinë e shprehjes, jashtë dhe brenda, por jo çdo gjë që është e ligjshme është etike.

Tani është koha për të qëndruar së bashku për mirëkuptim dhe respekt të ndërsjellë. Nga këto akte të kryera nga provokatorë individualë përfitojnë vetëm ata që duan të përçajnë ne dhe shoqëritë tona.”-shprehet Borrell./CNA.al

Lajmet e fundit nga