web counter
LEXO PA REKLAMA!

SHKARKO APP

App Store
Google Play

E fundit!

x

Thyejnë rekorde/ Temperatura ekstreme në Evropë, SHBA dhe Kinë, termometri shënon mbi 50 gradë

19 Korrik 2023, 11:09, Kosova & Bota CNA

Thyejnë rekorde/ Temperatura ekstreme në Evropë, SHBA dhe

Temperaturat ekstreme që përfshijnë globin këtë javë janë normalja e re në një botë të ngrohur nga ndryshimet klimatike, thotë agjencia e motit të OKB-së.

Organizata Botërore Meteorologjike raporton për temperatura ekstreme që arrijnë vlerat mbi 50 gradë celsius në disa vende të SHBA-së dhe Kinë. 

Temperaturat arritën në 53.9 gradë në Lugina e Vdekjes në Kaliforni. Ndërkohë në Kinë u thye një tjetër rekord, ku termometri arriti të dielën vlerën 52.2 gradë celsius në rajonin e saj perëndimor Xinjiang. 

Temperaturat në Spanjën jugore të hënën arritën kulmin në 46 gradë. Po kështu edhe në Itali në zonën e Sardenjës temperaturat arritën në 46 gradë. Evropa Lindore gjithashtu parashikohet të bëhet më e nxehtë.

Ndërkohë paralajmërohet se vala e të nxehtit në Evropë mund të vazhdojë deri në gusht.

Shkencëtarët thonë se ndryshimi i klimës po i bën valët e të nxehtit më të gjata, më intensive dhe më të shpeshta.

"Moti ekstrem ka një ndikim të madh në shëndetin e njeriut, ekosistemet, ekonomitë, bujqësinë, energjinë dhe furnizimet me ujë",  tha Sekretari i Përgjithshëm i Organizatës Botërore të Meterologjisë, Prof Petteri Taalas.

Bota tashmë është ngrohur me 1.1 gradë celsius që nga revolucioni industrial kur njerëzit filluan të djegin lëndë djegëse fosile si qymyri, nafta dhe gazi, i cili lëshon dioksid karboni në atmosferë.

Shkencëtarët thonë se Evropa në veçanti po ngrohet më shpejt sesa parashikonin shumë modele klimatike.

 

 

 





Lajmet e fundit nga