web counter
LEXO PA REKLAMA!

SHKARKO APP

App Store
Google Play

Eco park-u i Ramës shkon tek njerëzit e inceneratorëve dhe ortakët e medias

2023-10-16 11:33:00, Editorial CNA
Eco park-u i Ramës shkon tek njerëzit e inceneratorëve dhe
Foto-montazh, Edi Rama, Mirel Mërtiri dhe Klodian Zoto

Kryeministri Rama, në një postim të tij në rrjetet sociale, një ditë më parë shkroi: “Mirëmëngjes dhe me kënaqësinë e veçantë për projektin e Ekoparkut të Durrësit, shembëlltyra e një Rilindjeje spektakolare pas një pune kolosale transfomuese, i cili falë talentit të arkitektit spanjoll Jesus Hernandes, ka hyrë dje në finalen e Çmimit ‘Mies van Der Rohe’, më prestigjiozi i çmimeve të arkitekturës në botë, ju uroj një të diel të bukur”.

Eco park-u i Ramës shkon tek njerëzit e inceneratorëve dhe

Ajo që shihet edhe në foto është ekoparku i famshëm i Porto Romanos. Ka një histori, një investim dhe një analizë që duhet bërë për këtë që zoti kryeministër na e shet si një projekt spektakolar, ndryshim të madh dhe një çmim që pritet të merret në konkurs.

Në fakt, ai është një projekt korruptiv që është pjesë e dosjes hetimore të SPAK-ut për inceneratorët dhe kompani të lidhura me to.

Nga ana tjetër, ka hequr malin me plehra, por brenda tij ka një mal me korrupsion.

Le t’i renditim faktet.

Është zhvilluar një tender tek AKUM në kohën kur ky institucion drejtohej nga Alqi Bllako dhe më pas tenderi është anuluar.

Gjithçka është zhvilluar në verën e vitit 2019, ku mes shumë kompanive, njëra prej tyre ishte e preferuara e njërës prej mediave kryesore në bashkëpunim me inceneratorët në atë kohë.

TOP CHANNEL PAS TENDERIT 15 MILIONË EURO

Kujtojmë se ishte “Top Channel” që shkruante dhe reklamonte problematikën e madhe të mbetjeve të Porto Romanos, një stil i vjetër nga ky televizion, ku ti mendon se po informohet publiku, po luftohet ndotja e ambientit, por në fakt pas tij fshihet tenderi, fshihen interesa, investime, fshihen kompani të lidhura me inceneratorët, me njerëzit e tyre.

Në atë kohë bëmat dhe gjëmat e inceneratorëve, edhe pse ishin të denoncuara nga CNA, nuk ishin kaq të mëdha.

Eco park-u i Ramës shkon tek njerëzit e inceneratorëve dhe

Zhvillohet një tender 15 milionë euro dhe anulohet. Më pas ai fitohet apo jepet me prokurim të drejtpërdrejtë në fund të 2019-ës.

LIDHJET E BASHËS ME INCENERATORËT

Pak javë pas tërmetit vrastar që ra në Shqipëri, firmës, subjektit “Viktoria Invest”, i cili bashkëpunonte me ”Damare SRL”.

“Viktoria Invest” ishte një subjekt i njohur dhe është akuzuar shpesh për lidhje të forta me Lulzim Bashën. Një mjet luksoz që Basha përdor, dhuruar nga ky subjekt dhe çuditërisht opozita nuk foli për këtë çështje, pra për tenderin e zhvilluar, influencën mediatike dhe më pas prokurimin e drejtpërdejtë dhënë nga qeveria subjektit “Viktoria Invest”.

Porto Romano u quajt një histori e fortë suksesi, do të zhdukeshin plehrat, mbetjet e kështu me radhë.

Por çfarë ndodhi?

Ai investim 3 apo 4 herë më shumë i fryrë se vlera reale kështu u pretendua në atë kohë nga ekspertët. Mbetjet u hoqën, por ku u çuan, lind pyetja. U çuan tek inceneratori i Tiranës, i cili nuk ekzistonte.

Eco park-u i Ramës shkon tek njerëzit e inceneratorëve dhe

Pra, u hoqën mbetjet, një pjesë e tyre, dhe u çuan te landfilli i Tiranës dhe paratë shkuan te kompanitë e Klodian Zotos dhe Mirel Mërtirit, të cilët janë akuzuar shpesh për lidhjet e forta me ish-zv.kryeministrin Arben Ahmetaj, por edhe me zyrtarë të tjerë që fillojnë nga kryetarët e Bashkive Fier, Elbasan dhe Tiranë, dhe shpeshherë gishti drejtohet te kryeministri Edi Rama.

Lidhja e dytë është firma “Damare S.R.L.” është një subjekt, i cili ka qenë partneri i “Integrated Energy”, kompanisë së inceneratorit të Tiranës dhe lidhet jo pak me Klodian Zoton dhe Mirel Mërtirin dhe subjektet e tyre me individët që i kanë marrë shtetit shqiptar 170 milionë euro për të ndërtuar 3 inceneratorë deri tani dhe midis tyre njëri është një kazan naftë që do 2 milionë euro në vit që të punojë në Elbasan.

Inceneratori i Fierit, i cili ende nuk ka përfunduar, edhe pse kontrata ka kaluar dhe janë vendosur penalitete dhe ai i Tiranës që është çudia më e madhe që nuk ekziston.

Eco park-u i Ramës shkon tek njerëzit e inceneratorëve dhe

Pra, nuk ka filluar investimi për ndërtimin e tij thjesht dhe vetëm ka disa transportera dhe nja dy kapanone. Mali me plehra në Tiranë po rritet.

Pra, kemi një investim me prokurim të drejtpërdrejtë, me akuzë për korrupsion, me lidhje me Lulzim Bashën dhe me lidhje me inceneratorët. (Lexo këtu)

Eco park-u i Ramës shkon tek njerëzit e inceneratorëve dhe

Dhe kemi ndërtimin e një ekoparku ku është zhdukur një mal me plehra, janë ndërtuar disa fusha dhe janë vendosur disa pemë.

Projekti mund të jetë i bukur, por pyetja që lind është: Kush e shfrytëzon?

Ka disa mënyra për të zhvilluar ekopark. Mund të hiqeshin mbetjet me një investim shumë të mirë, mund të rehabilitohej zona, por janë invetsuar gjoja rreth 15 milionë euro për të vendosur disa fusha ku nuk luan askush, nuk shkon askush dhe nuk gjen këmbë njeriu asnjë ditë të javës, as fundjavës.

Eco park-u i Ramës shkon tek njerëzit e inceneratorëve dhe

Nuk ka asnjë atraksion, nuk vlen për asgjë. Me pak vite gjithçka atje do të shkatërrohet. Nuk ka mirëmbajtje, as shërbime, asnjë aktivitet që ta marrë ta kthejë këtë ekopark të famshëm në një gjë, në diçka në shërbim të qytetarëve, të cilët janë taksapaguesit dhe nga të cilët kanë dalë 15 milionë eurot që më pas shkuan në xhepat e kompanive të inceneratorëve të mediave të korruptuara për influencë politike dhe propagandë pro pushtetit./ CNA

 





13:25 Editorial

SPAK tell us, WHO?

The issue of the incinerators is turning more and more...

Lajmet e fundit nga