Zbulohet një tjetër provë e marrëveshjes me Bashën/ Rama miliona euro për firmën që paguan te kunati

31 Janar 2020, 12:35, Politikë CNA

Në fund të vitit të kaluar, vetëm një muaj pas tërmetti tragjik të 26 nëntorit, kryeministri Edi Rama dha një tjetër provë të marrëveshjes së tij më kreun e Republikës së re, Lulzim Basha.

Në 26 dhjetor 2019, qeveria, i ka dhënë 15 milion euro një prej firmave me lidhje të forta me Lulzim Bashën. Firmës ?Victoria Invest? të Fatmir Kucit, dhe një subjekti tjetër italian.

Pra, Agjencia Kombëtare e Ujësjellës-Kanalizime ka shpallur fitues të tenderit 15 milionë euro për mbylljen e land-fillit të Porto-Romanos bashkimin e operatorëve ndërmjet kompanisë shqiptare ?Victoria Invest International? dhe asaj italiane, ?De Mare? srl?.

Në lidhje me procedurën e tenderit në fjalë, dy ditë më parë, ?Boldneës?, zbuloi me detaje skandalin që kishte ndodhur.

Bëhet fjalë për një tender prej 15 milion eurosh, për të cilin më parë ishte vendosur që do bëhej garë, por duke u justifikuar me gjendjen e emergjences pas tërmetit, qeveria e kishte kaluar në një prokurim të drejtpërdrejtë, duke ia dhënë firmës ?Victoria Invest? dhe një subjekti tjetër italian, i cili kishte vetëm tre ditë që ishte regjistruar.

Ndërkohë, CNA.al sjell sot të tjera detaje në lidhje me firmën ?Victoria Invest?, dhe lidhjet e saj me Lulzim Bashën.

?Victoria Invest? është një ndër firmat e cila punon dhe bashkëpunon me ?Landmark Communications?, e cila është kompania e kunatit të kreut të PD, por që drejtohet dhe menaxhohet nga bashkëshortja e Lulzim Bashës, Aurela Isufi Basha.

?Victoria Invest? është në listën e subjekteve që e çojnë në 2 miliard, xhiron e kompanisë së kunatit të Lulzim Bashës.

Pra, Edi Rama i ka dhënë jo pak, por 15 milion euro, firmës e cila kryen pagesa për kompaninë e kunatit./ CNA.al

Zbulohen oligarkët e Lulzim Bashës?!/ Miliarda lekë në bizneset e kunatit

Kompanitë e familjarëve të Bashës 2 miliardë lekë xhiro, deklarojnë fitime thërrimet/ Evazion fiskal qindra milonë lekë?!

Rama jep 15 milion euro pa tender, për firmën pranë Lulzim Bashës

Skandali/ Fituesi i tenderit 15 milion euro në Porto Romano u regjistrua në QKB 3 ditë para procedurës