web counter
LEXO PA REKLAMA!

SHKARKO APP

App Store
Google Play

E fundit!

x

Hyseni zbulon debatet brenda PS për paketën e censurës/ Lubonja “i kërkon llogari”

30 Janar 2020, 20:55, Politikë CNA

Analisti Fatos Lubonja ka debatuar mbrëmjen e sotme me socialistin, Alket Hyseni, për paketën e censurës, diskutimi dhe votimi i të cilës u shty derisa Komisioni i Venecias të japë një opinion.

Hyseni pranoi se paketa e censurës ka sjellë edhe debate brenda grupit parlamentar të socialistëve, ndërsa Lubonja deklaroi se ligji i është imponuar të gjithëve.

Analisti i ka kërkuar llogari deputetit në emisionin ?Real Story?, pse Rama e ka quajtur ?paketa antishpifje?, kur në të vërtetë censuron mediat.

Hyseni: Ka pasur shumë debate edhe brenda deputetëve socialistë lidhur me ligjin. Të gjithë e kemi thënë që përherë ka hapësira për përmirësim.

Lubonja: Nuk e di ka pasur apo jo debate brenda grupit, por një gjë është e qartë që ky ligj u është imponuar të gjithëve nga Kryeministri.

Lubonja: Në një vend si Shqipëria është problem mungesa e gazetarisë së vërtetë, veçanërisht asaj investigative, që duhet të luftojë lidhjet e politikës me mafien, që janë katastrofike, siç pam dhe me ngjarjen e fundit në Shijak. Për këtë kërkohet inkurajim, por ju nuk e bëni dot.

Hyseni: Po e bëjmë me rregullimin e ligjit. Kemi tre raste, njëri kur ka pornografi, ku ne duhet të ndërhyjmë për të mbrojtur fëmijët; Rasti i dytë ka të bëjë me sigurinë kombëtare; Rasti i tretë është për terrorizmin. Këto janë rastet, kur bllokohet portali, ndërsa në asnjë rast tjetër nuk mbyllet.

Lubonja: Këto që the ti nuk janë shpifje fare, kanë të bëjnë me nxjerrje sekreti, por jo me shpifjen. Ky ligj nuk është bërë për këtë mo, është për shpifjen.

Hyseni: Gjithë bota këtë po bën, interesat kombëtare cënohen nga shpifja.

Dashamir Shehi: Shqipërisë hallin më të madh ja bëjnë kryeministrat. Po i vika rreziku botës nga portalet shqiptare./ CNA.al





Lajmet e fundit nga