E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

“Mbeturinat”/ Rama i mban ison aferës së inceneratorëve

30 Shtator 2022, 10:22, Aktualitet CNA

“Mbeturinat”/ Rama i mban ison aferës së

Kryeministri Edi Rama ka deklaruar se kanë ndryshuar situatën në lidhje me menaxhimin e mbetjeve.

Sipas tij, sot mblidhet 90% e mbetjeve, ndërkohë që duhet trajtuar si problematikë e madhe edhe ky 10%.

“Kur ne e nisëm këtë rrugëtim, 50% e mbetjeve mbeteshin rrugëve, i merrnin ujërat, digjeshin shumë pranë zonave të banuara. Banorët e Kombinatit në Tiranë, ato të Elbasanit dhe Fierit, ku sot situata është krejtësisht tjetër, besoj e kujtojnë akoma se çfarë ndodhte në zonat e tyre me malin e plehrave që sillte në çdo dritare ajrin e ndotur dhe toksik. Banorët e Durrësit e kujtojnë, por fatkeqësisht kanë mbetur në vëmendje edhe të të huajve që e kanë parë në lajmet e vendeve të tyre, fushën e mbushur me vargmale plehrash në Porto Romano. Që sot është një prej parqeve më të mëdha në vend. Sot ne jemi në 910% të grumbullimit dhe kemi akoma një sasi relativisht të vogël që mbetet e pagrumbulluar, por që duhet trajtuar si problem i madh, edhe pse është i vogël”, është shprehur Rama.

Më tej kryeministri ka përmendur Himarën si histori suksesi, por edhe Elbasanin duke ia dhënë meritat inceneratorit që është në hetim nga SPAK-u.

Sipas tij shembulli i Himarës është një shembull i jashtëzakonshëm, i një zgjimi të befasishëm të kryetarit të bashkisë dhe i një pune që është pasqyrë për t'u marrë shembull nga të gjithë.

“Sot Pogradeci është një pasqyrë pastërtie, Kamza shëmbëlltyra më dramatike e pisllëkut sot është një shëmbëlltyrë pastërtie. Gjirokastra dhe Elbasani, dhe Elbasani jo thjesht për faktin që falë impiantit të ndërtuar atje u hoq fusha mesjetare e plehrave, por edhe falë një organizimi dhe një shtrirje të shërbimit në gjithë territorin e bashkisë. Të gjitha këto bashki nuk janë dot sot të krahasueshme me Cërrikun dhe Sarandën, që janë jo një, por disa hapa përpara, në atë që mbetet një problematikë serioze, trajtimi dhe riciklimi i mbetjeve”, është shprehur Rama./CNA.al