web counter
LEXO PA REKLAMA!

SHKARKO APP

App Store
Google Play

Lirohet plazhi publik në Porto Romano/ Sekuestrohen 836 shezlongë dhe çadra

24 Qershor 2023, 13:01, Kronika CNA

Lirohet plazhi publik në Porto Romano/ Sekuestrohen 836 shezlongë dhe

Policia e Durrësit ka finalizuar operacionin policor të koduar "Plazh i lirë", në sajë të së cilit u bë lirimi i hapësirës publike në vijën bregdetare të Porto Romanos.

Gjithashtu u hoqën dhe sekuestruan 836 shezlongë dhe çadra që ishin vendosur pa lejen përkatëse.

Në vijim të veprimeve procedurale për këto raste, u referuan materialet në Prokurori ku nisi procedimi në gjendje të lirë për shtetasit:

-A. Z., 43 vjeç, pasi kishte vendosur 88 shezlongë dhe 16 çadra, pa lejen përkatëse;

-F. E., 47 vjeç, pasi kishte vendosur 152 shezlongë dhe 66 çadra, pa lejen përkatëse;

-Gj. B., 55 vjeç, pasi kishte vendosur 40 shezlongë dhe 20 çadra, pa lejen përkatëse;

-L. B., 53 vjeç, pasi kishte vendosur 300 shezlongë dhe 150 çadra, pa lejen përkatëse.

Plani operacional "Plazh i lirë", vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Pushtim toke".

Policia e Shtetit apelon për të gjithë pronarët dhe menaxherët e lokaleve dhe hoteleve, që të mos zënë pa autorizim, hapësirat publike në plazhe, pasi do të përballen me sanksione. Në këtë kuadër ftojmë pushuesit që nëse hasin një shkelje të tillë, ta denoncojnë atë, në Komisariatin Dixhital ose në numrin pa pagesë 112./ CNA.al





Lajmet e fundit nga