Mashtrimi i Mirel Mërtirit me 70 milionë euro investime në landfillin e Tiranës

20 Dhjetor 2023, 13:28, Denoncim CNA

Mashtrimi i Mirel Mërtirit me 70 milionë euro investime në

Mirel Mërtiri, "truri" i aferës së inceneratorëve

Mirel Mërtiri, kapobanda e inceneratorëve, ka bërë një dalje mediatike me shpresën se do të zgjidhë hallet e tij me ekstradimin në Shqipëri.

Në fakt, nga të dhënat mësohet se shumë shpejt ai do të ekstradohet dhe së pari do të jetë bashkëjetuesja e tij, Stela Gugallja.

Por le të shohim faktet dhe detajet e thëna nga Mirel Mërtiri dhe gënjeshtrat e tij bërë për shqiptarët.

Mirel Mërtiri, aktori i dobët i një afere korruptive
18 Dhjetor, 21:30

Mireli tha se kishte paguar 70 milionë euro investime, qarkullim parash.

Në fakt, ajo ishte xhiroja totale dhe jo investimet, pasi investimet sipas vetë Mërtirit janë te 20 apo 30 milionë euro, mungojnë pa asnjë diskutim nga 60-80 milionë euro, të cilat mund të jenë bërë rrush e kumbulla.

Ne po sjellim një fakt. Kjo tabelë tregon pagesat që kompania e landfillit të Tiranës, Mirel Mërtiri dhe shokët e tij i kanë bërë Edmond Bllakos, babait të Alqi Bllakos.

Tabela me pagesat për babain e Alqi Bllakos, Edmond Bllako

Pra, sipas Mirel Mërtirit janë investuar 70 milionë, por në këto 70 milionë na rezulton se rreth 150 milionë i ka marrë në xhep si rrogë babai i Alqi Bllakos.

Si këto shpenzime ka me qindra, ka me mijëra, ka pagesa fiktive, ka shitje dhe blerje pasurish, ka fshehje, ka evazion, fatura false dhe gjithçka tjetër që është kryer tek inceneratori, te landfilli i Tiranës.

Gazetari: Mirel Mërtiri miliona euro shpenzime për qoka në bashkinë Tiranë, Kamëz e sponsorizime mediatike
19 Dhjetor, 21:00

Ai pretendon se janë 70 milionë euro investime, por në fakt kjo është një gënjeshtër, pasi të ardhurat nga xhiroja e kompanisë janë mbi 110 milionë euro.

Paratë kanë ikur duke paguar babanë e Alqi Bllakos, para korrupsioni, blerje, fatura fiktive, fatura false, mashtrime, pagesa me miliona euro për mediat, miliona euro shpenzime për fluturime luksoze me charter dhe jahte.

Inceneratori në fakt nuk ekziston, por 70 milionë eurot sipas Mirel Mërtirit janë këto qindra miliona apo miliarda lekë që janë bërë rrush e kumbulla./ CNA