web counter
LEXO PA REKLAMA!

SHKARKO APP

App Store
Google Play

E fundit!

x

Fiks Fare/ ZVA shkel ligjin, shkolla 10 ditë pa mësues, vendi ruhet për nëndrejtoreshën!

8 Dhjetor 2023, 23:03, Denoncim CNA

Fiks Fare/ ZVA shkel ligjin, shkolla 10 ditë pa mësues, vendi ruhet

Emisioni Fiks Fare solli rastin e ZVA Elbasan e cila la pa mësues matematike shkollën 9-vjeçare “Sulë Misiri”  për 10 ditë, pasi vendin e mësueses që doli në pension nuk e shpalli vakant. Vendi u ruajt për një nëndrejtoreshë të një shkolla tjetër që  dha atje dorëheqjen për të ardhur në këtë shkollë.  

Fiksi solli ankesën e një kandidateje për mësuese e cila e tregon problematikën e saj vetëm me e-mail, pasi ka frikë të jap intervistë, por jep fakte të pakundërshshtueshme se shkolla ka qëndruar pa mësues për ditë të tëra dhe vendin e saj e kanë zënë pa u shpallur vakant.

Gazetarët e Fiksit komunikuan me drejtoreshën e shkollës 9-vjeçare e cila pranoi se fëmijët kanë qëndruar pa mësuese, dhe se emërimi është bërë më shumë se 10 ditë, pasi mësuesja tjetër kishte dalë në pension . “Unë nuk e di se si është emëruar dhe nga kush ka ardhur, vetëm e di që është me kontratë” thotë drejtoresha.

Fiks Fare/ ZVA shkel ligjin, shkolla 10 ditë pa mësues, vendi ruhet

Ndërkohë gazetarët kërkojnë një përgjigje edhe në Zyrën Arsimore Vendore Elbasan, institucion i cili e la shkollën 10 ditë pa mësuese dhe shkeli ligjin për arsimin parauniversitar duke mos e shpallur vendin vakant në momentin që mësuesja doli në pension.

Ermir Çela drejtues i ZVA Elbasan, në fillim tregohet i hapur me gazetarët dhe u shpjegon mbi procedurat, por kur u përball me pyetjen se përse nuk e shpalli vendin vakant por priti dorëheqjen e nëndrejtoreshës, atëherë kërkoi një shkresë zyrtare.

Fiks Fare/ ZVA shkel ligjin, shkolla 10 ditë pa mësues, vendi ruhet

Në bisedë me gazetarët, z.Çela tregoi se nëndrejtoresha e dorëhequr nga një shkollë tjetër që ka vajtur në vend të mësueses që doli në pension, kishte kohë që kërkonte dorëheqjen por ne nuk e kishim miratuar derisa të kishim një vend bosh.

Por çfarë ka ndodhur në të vërtetë? Në përgjigjen që Zyra Vendore Arsimore Elbasan ktheu për Fiksin thuhet se mësuesja doli në pension në 31 tetor 2023, ndërkohë nëndrejtoresha u dorëheq 10 ditë më vonë. Pra vendi u mbajt i pashpallur vakant dhe nxënësit mbetën pa mësim./ tch

Fiks Fare/ ZVA shkel ligjin, shkolla 10 ditë pa mësues, vendi ruhet

Fiks Fare/ ZVA shkel ligjin, shkolla 10 ditë pa mësues, vendi ruhet





Lajmet e fundit nga