web counter
LEXO PA REKLAMA!

SHKARKO APP

App Store
Google Play

E fundit!

x

Përvetësoi paratë e qytetarit/ Kompania e sigurimit i prish marrëveshjen avokates

4 Dhjetor 2023, 21:50, Denoncim CNA

Përvetësoi paratë e qytetarit/ Kompania e sigurimit i prish

Në 15 nëntor emisioni “Stop”  në Tv Klan transmetoi denoncimin e zotit Panajot Gjoni, i cili tregoi se para një viti u aksidentua te “Kafja e Rremës” nga një vajzë me automjet dhe rrezikoi jetën. Në ambientet e Spitalit të Traumës, Panajoti u kontaktua nga avokatja Ersila Abazaj, e cila mori përsipër të ndiqte procedurat e dëmshpërblimit me kompaninë e sigurimit të makinës së autores së aksidentit.

Një muaj më vonë pasi avokatja nuk po përgjigjej, Panajoti pajtoi një avokat tjetër duke i revokuar prokurën Ersila Abazajt. Por avokatja e parë Ersila Abazaj, me prokurë të revokuar, kishte lidhur një marrëveshje në emër të tij dhe kishte marrë dëmshpërblim 3.8 milionë lekë të vjetra, një shumë kjo qesharake në raport me dëmin. Në kompaninë e sigurimit, u habitën për revokimin e prokurës.

Panajot Gjoni: Më ka kontaktuar kompania për të revokuar marrëveshjen që më kishte lidhur ish-avokatja. Nga ana e kompanisë janë sjellë korrekt sepse i kishte kërkuar dhe avokatja numrin e llogarisë për të kthyer shumën që kishte përvetësuar.

Pas transmetimit, Panajoti tregon se kompania e sigurimit e ka prishur këtë akt-marrëveshje të bërë në shkelje dhe i ka hapur dritën jeshile Panajotit që të lidhë një marrëveshje tjetër me avokatin e ri për dëmin e shkaktuar.

Panajot Gjoni: Pasi prishëm akt-marrëveshjen e lidhur të avokates, ne jemi në pritje që të vazhdojmë me kompaninë për të lidhur një akt-marrëveshje me avokatin që kam, ekzistues. Shumë faleminderit prej jush, jeni më të mirët!/tvklan.al





Lajmet e fundit nga