web counter
LEXO PA REKLAMA!

SHKARKO APP

App Store
Google Play

A po bëhet i penduari i drejtësisë Mirel Mërtiri?

16 Dhjetor 2023, 10:23, Denoncim CNA
A po bëhet i penduari i drejtësisë Mirel Mërtiri?
Mirel Mërtiri

Dje gazetari Çim Peka njoftoi se ditën e hënë do të ketë një intervistë në Skype me Mirel Mërtirin, trurin, kapobandën së inceneratorëve, i cili ndërtoi një skemë korruptive dhe mashtrimi me bashkëpunëtorin e tij Klodian Zoto, me bashkëjetuesen e tij Stela Gungallja dhe qeverinë shqiptare dhe bashkitë e Elbasanit, Fierit dhe Tiranës.

A po bëhet i penduari i drejtësisë Mirel Mërtiri?
Mirel Mërtiri, Klodian Zoto dhe Stela Gugallja

Një skemë korruptive 178 milionë euro deri tani, para të cilat nuk ndalen për inceneratorin e Mirel Mërtirit, inceneratorit që nuk ekziston në fakt në Tiranë. Vetëm aty Mirel Mërtiri ka mundur të sigurojë 110 milionë euro të ardhura. Kuptohet biznesi është në dy linja, atë të dherave dhe shuma tjetër e parave me dhjetëra miliona euro që janë paguar nga buxheti i shtetit. 

Mirel Mërtiri po shfaqet në media, pasi për të diastën herë nuk ia doli dot të ndalte denoncimin publik të fakteve dhe provave që kanë detyruar SPAK dhe çdo institucion tjetër t'i shkojnë të vërtetës së inceneratorëve deri në fund.

Megjithëse ka aleat mediatik Top Channel, Leli nga Vjena zgjodhi media opozitare, selam pendese apo selam për ustallarët e inceneratorëve që ende si dimë?

Nuk ka dy të vërteta për inceneratorët, është një dhe vetëm një.

Në çdo skenë dhe skenar është Mirel Mërtiri, çdo person tjetër që përfshihet në këtë histori ka qenë thjesht dhe vetëm shërbëtor i tij.

Kuptohet, 3 janë pyetjet që janë bërë gjithmonë: Mirel Mërtiri ka qenë kaq i mençur sa mashtrojë një shtet të tërë? Bashkëpunoi duke shpërndarë para me zyrtarët e shtetit apo pronar është një i tretë, politikanë, apo disa të tretë?

Mirel Mërtiri po del në media si një i penduar, duke qartazi se tashmë ka vendosur të flasë për të thënë të vërtetën e tij se ku kanë shkuar paratë i inceneratorëve. Ku deri tani dihen nga SPAK kostot e fryra dhe milionat e eurover për mediat, kryesirsht Top CHannel dhe propaganduesit e Rilindjes.

Çfarë do të thotë tashmë ka shumë pak rëndësi.

Pas fakteve dhe provave të nxjerrë nga SPAK dhe të vërtetave që do dalin edhe më tej në vijim, pa ndalim deri ditën e fundit Mireli është thjesht duke shtyrë ditë për të shkuar ne burg për shumë akuza dhe këto dite mendon se shtyhen duke shpenzuar miliona euro për banda apo dalje mediatike.

Me shpresën dhe besimin se SPAK, do i shkojë deri në fund, jo vetëm për të gjetur se ku kanë shkuar paratë e shqiptarëve, por për të sekuestruar çdo para të çdo hajduti të përfshirë në skemën e inceneratorëve, në media, në politikë dhe kudo dhe t'i kthehen buxhetit të shtetit, t'i kthehen shqiptarëve.

E sa më shpejt të ndodhë kjo, aq më e lehtë do të jetë edhe gjetja e parave. 

Në fakt Mirel Mërtiri po del si i penduar, kur nuk ka shumë kuriozitet se çfarë do thotë për ata që e kanë ndjekur aferën hapa pas hapi, që në ditët e para kur u tentua që të blihej çdo media, apo më tej kur gjithë pushtetshmëria dhe charter-at pandalim i sollën dashurinë mediatike me Top Channel, ortakëritë, milionat pafund për mediat, kur kishte një kontratë monopoliste. 

Shërbimet e bëra ndaj maxhorancës, miqësitë që nga zv/kryeministri Arben Ahmetaj, tek kryebashkiaku Erion Veliaj, tek ministritë apo zyrtarët e bashkisë të Tiranës, që silleshin si punonjës të Mirel Mërtirit, e kështu me radhë. 

Mirel Mërtiri me daljen e tij të parë, për ata që kanë kuriozitet, ka një mesazh. Ai do të jetë për pronarët e vërtetë të inceneratorit, sepse vetë ka katandisur në 20%. Do të jetë një mesazh dashurie për Erion Veliajn dhe një kërcënim për Edi Ramën.

A po bëhet i penduari i drejtësisë Mirel Mërtiri?
Edi Rama dhe Erion Veliaj

Do të jetë një mesazh i fortë për pronarët e vërtetë, për kë ka shërbyer ai, për skemën.

Ndoshta edhe një lëvizje e tij për të shpëtuar gjyqin në Austri, të cilin në shkallë të parë e ka humbur. Për ata që nuk e dinë, Mirel Mëritiri po kërkon ta trajtojë politikisht çështjen e ekstradimit të tij, kur në fakt çështja "Mëritiri" është një çështje hajdutësh dhe mashtrimit të shtetit shqiptar dhe të hënën Mireli duhet të na tregojë si e ka bërë korrupsionin dhe me kë, me Arben Ahmetajn, me Edi Ramën me Erion Veliajn, me kryetarët e bashkive? Kush janë pronarët e tij të vërtetë? 

Ai do thotë gënjeshtrën e tij, të vërtetë e dime nga dokumentat dhe faktet e pafundme publikuar deri tani por edhe mëtej. EDHE ATO QE MIRELIT NUK I SHKOJNE NDERMEND. Deri më sot nuk e kemi zhgënjyer as atë as bandën e tij mediatike, as ortakët dhe bashkëpunëtorët politikë.

Cilët kanë qenë hajdutët që ka bashkëpunuar Mirel Mërtiri, këtë kanë kuriozitet shqiptarët dhe ku kanë shkuar paratë? Këtë nuk ka për ta bërë as të hënën dhe asnjëherë. Ai thjesht po tenton të përçojë një mesazh kërcënues, siç ka bërë muajt dhe vitet e fundit me lidhjet e tij kriminale mediatike dhe po ngre sirenat e alarmit se mund të bëhet i penduar. 

Në fakt kjo e fundit do të ishte edhe veprimi më i mirë që do të bënte Mirel Mërtiri dhe kërkesa ndaj tij është të bëhet vërtet një i penduar i drejtësisë, të shkojë me vrap tek Altin Dumani dhe t'i shpjegojë si e mashtroi shtetin shqiptar, kë kishte bashkëpunëtor, si i vodhi paratë, pse ndërtoi në Elbasan një incenerator që do 2 milionë euro naftë në vit, si ndërtoi në Fier një incenerator që nuk punon dhe pse në 6 vite nuk e ndërtoi dot inceneratorin e Tiranës dhe po flasim edhe për 3 vitet e fundit, kur të paktën njëra nga linjat duhet të ishte në funksion. 

Mirel Mërtiri duhet të shkojë tek Altin Dumani të rrëfehet si një qytetar tek prifti për t'i thënë të vërtetën atë që ai mendon, pastaj drejtësia të gjejë faktet dhe provat për të çuar pas prangave këdo që ka bashkëpunuar me Mirelin dhe ka vjedhur lekët e shqiptarëve. 

A po bëhet i penduari i drejtësisë Mirel Mërtiri?
SPAK

Këtu të mos harrojmë dhe Klodian Zoton, bashkëpunëtorin e tij të ngushtë që Mireli kërkon ta bëjë me zor pronar të inceneratorëve, kur e ka pasur ushtar. Mërtiri për të shpëtuar lëkurën e tij përdor ndyrësinë, intrigat, skenarët që ndërton nga Vjena, për të fshehur të vërtetën e inceneratorëve, e cila e Mirel Mërtirit mund të jetë atëhere kur ai të bëhet pendito. Ose mund të nxitojë Zoto pasi gara tashmë është kush shkon i pari tek Altin Dumani shpëton, ndryshe thjesht shtyjnë ditët në arrati.

Në momentin që do të shkojë dhe do të pendohet përpara SPAK dhe të bashkëpunojë vetëm me ata, atëherë mund të besohet Mirel Mërtiri. Gjithçka tjetër nuk ka asnjë kuriozitet./CNA




Lajmet e fundit nga