web counter
LEXO PA REKLAMA!

SHKARKO APP

App Store
Google Play

Policia e Korçës, me dy standarde

10 Dhjetor 2023, 15:43, Denoncim CNA
Policia e Korçës, me dy standarde
Foto ilustruese

Policia e Korçës vepron me dy standarde. Këtë e tregon një fenomen që ndodh shpesh, jo vetëm në Korçë, por edhe në qytete të tjera, ku veprimtaria në lokale vijon deri në orët e para të mëngjesit, ndërkohë që ligji e parashikon që muzika në ambiente të tilla lejohet deri në orën 00:00.

Policia e Korçës nuk i trajton njësoj bizneset. Në Korçë ka lokale që buçasin me muzikë deri në mëngjes, ndërsa në disa të tjera Policia e Korçës vepron me "dorë të hekurt" duke i mbyllur.

Aty ku merr haraçin, vazhdon zhurma e tallavaja. Pra, në këto raste përdor dy standarde, duke gënjyer dhe abuzuar, duke i trajtuar disa si të nënës e disa si të njerkës.

Kështu Policia e Korçës zhytet në korrupsion, pasi nuk i ndëshkon të gjithë njësoj, por kush fut dorën në xhep mund të kërcasë e buçasë sa të dojë derisa dita të zbardhë.

Policia e Korçës mbyll lokale në mal e ambiente ku s’ka asnjë zhurmë, por është mjaft tolerante për disa disko e klube në mes të qytetit që janë një shqetësim i vazhdueshëm për banorët përreth, të cilët duhet të durojnë muzikën e lartë, njerëz të pirë dhe kaos në mes të qytetit./ CNA





Lajmet e fundit nga