web counter
LEXO PA REKLAMA!

SHKARKO APP

App Store
Google Play

Video - Masakra mjedisore në Sharrë/ 15 hektarët pa leje të kthyer në male me plehra

17 Dhjetor 2023, 11:00, Denoncim CNA

Video - Masakra mjedisore në Sharrë/ 15 hektarët pa leje të

Këtë të diel është ngritur sërish droni në landfillin e Sharrës.

Siç është denoncuar edhe më parë, sërish vihet re se në Sharrë nuk ka gjë tjetër veçse male me plehra.

Droni u ngrit nga këshilltarët e opozitës në Bashkinë e Tiranës, të cilët denoncuan krimin mjedisor.

Ata denoncuan se si liqenin e mbushën me dhera dhe 15 hektarët pa leje i kthyen në male me plehra.

“Koncesionari i inceneratorit të Tiranës paguhet për të bërë një shërbim dhe këtë shërbim si e bën? Duke shkuar në territorin e Bashkisë Tiranë, jashtë kufizimit ku duhet ta bëjë këtë punë për të shkuar dhe depozituar plehrat. Mendoni ju vetë, kushdo prej jush të bëjë një ndërtim pa leje dhe çka i ndodh sot. Bashkia Tiranë e bën këtë prej 15 hektarësh”, deklaroi Ilir Alimehmeti.

Ndërkohë, Endrit Braimllari bëri përgjegjës direkt për krimin mjedisor kryebashkikun e Tiranës, Erion Veliaj.

“Jemi këtu në zonën e krimit, për t’ua treguar qytetarëve të Tiranës masakrën që ka ndodhur në Bashkinë e Tiranës. Këtu kemi të bëjmë me një ndërtim pa leje prej 15 hektarësh, pra është e qartë që Erion Veliaj me autoritetin e kryetarit të bashkisë ka lejuar që kjo zonë këtu të kthehet në një zonë krimi. Janë 15 hektarë, ku janë hedhur dhera pa fund me porosi të Erion Veliajt. Unë i bëj thirrje ministrit të Brendshëm, Taulant Balla, të vijnë këtu institucionet përkatëse të qeverisë qëndrore, të vijnë këtu institucionet që kanë në mbrojtje territorin, të verifikojnë nga afër këtë masakër. Erion Veliaj është përgjegjësi i drejtpërdrejtë i kësaj masakre”, theksoi Braimllari./ CNA





Lajmet e fundit nga