web counter
LEXO PA REKLAMA!

SHKARKO APP

App Store
Google Play

Situata në Veri të Kosovës/ Peleshi “rrëzon” opozitën, e cila akuzon qeverinë për heshtje

17 Janar 2023, 14:03, Aktualitet CNA

Situata në Veri të Kosovës/ Peleshi “rrëzon”

Situata në Veriun e Kosovës është bërë sot temë debati në Komisionin e Sigurisë.

Opozita ka kërkuar nga Ministri i Mbrojtjes, Niko Peleshi llogari pasi pretendojnë se Qeveria nuk ka reaguar si duhet mbi deklaratat kërcënuese të Vuçiçit se do të dërgojnë 1 mijë trupa në Kosovë.

Ministri i Mbrojtjes Peleshi i ka qetësuar qytetarët se s’ka përkëdhelje të Serbisë nga Qeveria.

“Qeveria shqiptare është gjithmonë e para që reagon, por tonat janë ato të NATO-s dhe interesit që kemi për shqiptarët. Nuk i hedhim benzinë zjarrit por s’do të thotë që s’mbajmë qëndrime të forta sa herë që duhet”, ka thënë Peleshi.

Ministri më tej ka konfirmuar se e kanë ndjekur me vëmendje situatën në Kosovë.

“Tensionet i shohim si rrjedhojë e situatës së përgjithshme të sigurisë globale që është goditur nga lufta. Këto janë shqetësimet tona, do vazhdojnë të mbeten se si ky agresion mund të sjellë valët edhe në rajonin tonë, rajon i brishtë me disa pika të nxehta për çështje të pazgjidhura siç është ajo e njohjes së Kosovës nga Serbia.

Ne i kemi ndjekur me shqetësim lëvizjet e FA të Serbisë, që në tetor të viti të kaluar, 6 dhe 17 kanë kryer në afërsi të kufirit të Kosovës stërvitje kombëtare. Stërvitjes i ka paraprirë një thirrje për rezervistët. Përkoi me afatin përfundimtar për vendosjen e afatit për targat”, është shprehur Peleshi./CNA.al





Lajmet e fundit nga