web counter
LEXO PA REKLAMA!

SHKARKO APP

App Store
Google Play

Shpifjet ndaj Kryepiskopit Janullatos/ Historiani, 'shuplakë' gazetarit: Sharlatan

17 Janar 2023, 12:49, Aktualitet CNA

Shpifjet ndaj Kryepiskopit Janullatos/ Historiani, 'shuplakë'

Historiani Konstandin Luçi ka shpërthyer ndaj gazetarit Ilir Yzeri dhe "RTSH"-së, pasi gjatë emisionit, kanë ofenduar kryepiskopin Anastas Janullatos.

Historian shkruan se gjatë emisionit të datës 12 janar, gazetari Yzeri ka shpifur duke thënë se kryepiskopi Anastas Janullatos, ka “pushtuar” Kishën Orthodokse Autoqefale.

“Shpifjet një gazetari sharlatan dhe  Rtsh-së, ndaj figurës së ndritur të Kryepiskopit Anastas.

Rtsh ( Radio Televizioni Shqiptar) i cili mbahet me taksat e Shqiptarëve, del dhe ofendon në një mënyrë të paskrupullt dhe të turpshme, në emisionin e titulluar, ADN, me gazetarin, Ilir Yzeri, Kishën Orthodokse Autoqefale të Shqipërisë dhe kryepiskopin Anastas. Në këtë emision, i cili mban datën 12 Janar, shpifjet më të ulëta u hodhën ndaj KOASH.  Gazetari në fjalë me një sjellje prej rrugaçi, akuzon kryepiskopin e nderuar Anastas, duke thënë, që po mban të uzurpuar, kishën Orthodokse, duke mos pasur as njohuritë më minimale.

Gazetari i turpit, duhet të dijë dhe duhet ta mësojë që ishte ai dhe pasardhësit e tij, që shkatërroi veprën e imzot Nolit dhe që kryepiskopi Anastas e ringriti me mund dhe sakrificë. Gazetari Ilir Yzeiri është pjesë e asaj plejade shpifësish dhe mashtruesish që  ringritjen e KOASH, nuk mund ta shohin dot, dhe si të tillë janë të verbuar nga kjo ringritje e cila konsiston në shumë fusha të jetës kleriko- laike.

Ç'do sulm ndaj Kryepiskopit dhe figurës së tij është një sulm ndaj ç'do besimtari Orthodoks brenda dhe jashtë Shqipërisë. Kryepiskopi Anastas erdhi në Shqipëri me një mision Apostolik, mision i cili ishte ngritja e KOASH, nga rrënojat të cilat ti Ilir i shkatërrove, por që kryepiskopi Anastas i ringriti.

Njerëz të stisur dhe të paguar, që kanë si qëllim për të hedhur baltë mbi Kishën e Shenjtë Orthodokse, janë ata njerëz që dinë vetëm të mashtrojnë, vjedhin, gënjejnë, ku dhe i tërë boshti i jetës së tyre rrotullohet rreth injorancës. Mua më vjen keq që vendi ynë është katandisur në këtë pikë, dhe më dhemb në zemër kur flas për gjëra të tilla, por kjo është e vërteta dhe nuk mund të mbyll sytë dhe të pretendoj se këto gjëra nuk egzistojnë. Kjo vërteton që individë të tillë dhe media që paguhen me taksat e Shqiptarëve sulmojnë sI talebanë kryepiskopin Anastas dhe  Kishën Orthodokse Autoqefale të Shqipërisë”, shkruan Konstandin Luçi./ CNA.al





Lajmet e fundit nga