LEXO PA REKLAMA!

SHKARKO APP

Presion mbi gjyqtarët e Kushtetueses/ Denoncon Berisha

17 Janar 2023, 12:14, Aktualitet CNA

Presion mbi gjyqtarët e Kushtetueses/ Denoncon Berisha

Kreu i PD-së, Sali Berisha, në një dalje për mediat, ka denoncuar si grup të strukturuar kriminal, kryeministrin Edi Rama, vëllain e tij dhe të tjerë.

“Jam sot para jush për të denoncuar me forcën më të madhe përpjekjen e rrezikshme mafioze, mobilizimin e papërmbajtur të Edi Ramës, Olsi Ramës, Amant Josifit, Artan Gaçes, Olta Xhaçkës për ndikime të shumëllojta mbi gjyqtarët e Gjykatës Kushtetuese në vendimin e tyre.

Ky grup i strukturuar ka ndërmarrë dhe po ndërmerr forma antiligjore, antikushtetuese presioni ndaj anëtarëve të Gjykatës Kushtetuese me qëllim që të përligjin grabitjen përmes firmës së Edi Ramës nga Olta Xhaçka dhe bashkëshorti i saj, të statusit të investitorit strategjik me së paku 5 milionë euro favore”, ka thënë Berisha.

Kushtetuta e Shqipërisë ka qindra nene, por njëri nga këto nene, sipas tij është i artë.

Bëhet fjalë për nenin që nuk lejon në mënyrë kategorike deputetët dhe ministrat, të pasurohen nga pasuritë publike gjatë periudhës që ushtrojnë detyrat apo burime të tjera përveç rrogës.

“Ky nen është shkelur në mënyrën më flagrante, kur ministrja Xhaçka siguron për burrin e saj strategjik, statusin e investitorit strategjik. Xhaçka kryen vepra të rënda penale, implikon kunatën e saj amerikane, me banim në Boston, si bashkëpronare në këtë aferë të tmerrshme korruptive”, ka thënë Berisha./CNA.al

Lajmet e fundit nga