web counter
LEXO PA REKLAMA!

SHKARKO APP

App Store
Google Play

E fundit!

x

Policia, “luftë” me çadrat dhe shezlongët”/ Tre administratorë të plazheve private, nën hetim

4 Gusht 2022, 09:42, Aktualitet CNA

Policia, “luftë” me çadrat dhe shezlongët”/

Policia ka nisur “luftën" me çadrat dhe shezlongët me pretendimin se po liron plazhet publike.

Gjatë një aksioni të ndërmarë në Darëzezë dhe Divjakë, policia e Fierit ka sekuestruar 169 çadra dhe 338 shezlongë.

Ndërsa 3 administratorë të subjekteve janë proceduar penalisht, pasi zunë hapësirën publike në plazh.

“Në kuadër të planit operacional për kontrollin e vijës bregdetare dhe lirimin e hapësirave bregdetare të zaptuara në mënyrë të kundërligjshme, nga subjekte të ndryshme që vendosin çadra dhe shezlongë, specialistët për Hetimin e Seksionit për Hetimin e Krimit Ekonomik e Financiar në DVP Fier referuan materialet në Prokurori dhe nisi procedimi penal, për shtetasit Sh. G., 45 vjeç; E. G., 30 vjeç, të dy banues në Fier dhe M. K., 29 vjeç, banues në Divjakë.

Specialistët e Seksionit për Hetimin e Krimit Ekonomik e Financiar në DVP Fier, në bashkëpunim me Komisariatin e Policisë Fier, Komisariatin e Policisë Divjakë dhe Policinë Bashkiake Fier e Divjakë, kanë liruar hapësirën publike, duke hequr 169 çadrat dhe 338 shezlongët që ishin vendosur pa lejen përkatëse, në plazhin e Darëzezës dhe Divjakës.

Gjithashtu, gjatë kontrollit të vijës bregdetare, në plazhin e Darëzezës, në breg të detit u gjet një mjet uji tip gomone, i cili u dërgua në Stacionin e Policisë Kufitare Hoxharë, për verifikimin e dokumentacionit dhe identifikimin e pronarit. Nga kontrolli i mjetit lundrues, nuk u gjet asnjë send i kundërligjshëm”, njofton Policia./CNA.al





Lajmet e fundit nga