LEXO PA REKLAMA!

SHKARKO APP

Arjan Tase akuzohej për shpërdorim detyre/ Prokurori që nisi hetimet u arrestua nga SPAK-u

4 Gusht 2022, 09:08, Aktualitet CNA

Arjan Tase akuzohej për shpërdorim detyre/ Prokurori që nisi

Komisari i Policisë, Arjan Tase, i cili përplasi me skaf për vdekje një 7-vjeçare në plazhin e Potamit në Himarë, është hetuar më herët në lidhje me kultivimin e lëndëve narkotike.

Hetimet janë kryer në kohën që ai ka qenë shef komisariati në Himarë.

Në dosjen e zbardhur nga gazetarja Klodiana Lala, bëhet me dije se rasti në 2020 ku ish-shefi i policisë, Arjan Tase, i akuzuar për shpërdorim detyre, akuzohej se lejoi kultivimin e kanabisit është hetuar nga Maksim Sota, i cili e ka çuar çështjen për gjykim.

Kujtojmë se Maksim Sota është në kushtet e arrestit, pasi u ndalua nga SPAK-u, në kuadër të operacionit “Shpirti”.

Kërkesa është pranuar nga Gjykata dhe dosja ka shkuar për gjykim, por në momentin kur prokurori u vu nën masën e ‘arrest në shtëpi’ në kuadër të operacionit ‘Shpirti’ çështja kaloi në duart e një prokurori tjetër dhe më pas çështja u pushua.

Dosja ka kaluar në duar të prokurorit Arjan Xhaferri.

“Personi nën hetim Arjan Tase, me detyrë Shef i Komisariatit të Policisë Himarë për periudhën kohore kur janë zhvilluar ngjarjet, me mosveprim të kundraligjshëm nuk ka ushtruar detyrën e tij funksionale për kontrollin e territorit dhe kontrollin e punonjësve të policisë në varësi të tij, duke lejuar në mënyrë indirekte personat nën hetim në ushtrimin në masë të gjerë të aktivitetit të paligjshëm të kultivimit dhe prodhimit të lëndës narkotike Cannabis Sativa në Njësinë Administrative Horë Vranisht”, thuhet në dosje.

Çështja penale nr. 956/2020, në ngarkim të Arjan Tases, për kryerjen e veprës penale të parashikuar nga Neni 248 i Kodit Penal ëhstë dërguar në Gjykatë e cila e ka shpallur të pafajshëm./CNA.al

Lajmet e fundit nga