web counter
LEXO PA REKLAMA!

SHKARKO APP

App Store
Google Play

E fundit!

x

Numri i lartë i magjistratëve të rinj/ Çela: Nga nevoja e prokurorive, u duhet rritje profesionale

27 Tetor 2025, 14:39, Aktualitet CNA

Numri i lartë i magjistratëve të rinj/ Çela: Nga nevoja e

Kreu i Prokurorisë së Përgjithshme, Olsian Çela, ndau sot një vlerësim lidhur me magjistratët e rinj, që vitet e fundit janë shtuar në numër.

Në fjalën e tij në Kuvend, Çela tha se ky numër vjen edhe si pasojë e largimit masiv nga sistemi i drejtësisë.

Nga ana tjetër, Çela tha se ky numër sjell edhe një ndikim në cilësinë e punonjësve të rinj dhe të hetimeve, por sipas tij, kjo është e korrigjueshme.

Çela shtoi se kjo është problematikë me të cilën përballen prokuroritë e rretheve dhe se po merren masa për të rritur aftësimin profesional.

“Vlerësimi për cilësinë është relativ. Nëse më parë prurjet ishin 10-12 çdo vit, tani janë më të shumta. Kemi shkuar 50-60. Do të thotë se ata që futen në sistem, nga pikëpamja e formimit kemi një prurje që lidhet pak edhe me cilësinë, por është e korrigjueshme. Lidhur me mbingarkesën në organika, e tejzgjat aftësimin e tyre profesional. Kjo ndikon në cilësinë e hetimeve. Pasi është mungesa e përvojës. Duhen marrë masa për rritjen profesionale. Në shumicën e rretheve, prokurorët janë të rinj. Kjo sjell mangësi në hetim. Po ndeshemi me këtë. Duhet të pranojmë se është faktor i pashmangshëm. Për aq kohë sa kishte një largim masiv nga sistemi, është proces i vazhdueshëm. Duke e pranuar dhe pasur në konsideratë, do të marrim hapa për të rritur cilësinë e tyre”,-tha Çela./CNA





Lajmet e fundit nga