E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Dekriminalizimi/ 13 raste të vetëdeklarimit me të dhëna të rreme, verifikim për 132 subjekte

27 Tetor 2025, 13:45, Aktualitet CNA

Dekriminalizimi/ 13 raste të vetëdeklarimit me të dhëna

Kryeprokurori Olsian Çela ndau sot të dhëna lidhur me dekriminalizimin, gjatë raportimit për vitin 2024 të veprimtarisë së Prokurorisë së Përgjithshme.

Çela tha se në viitn 2024 është ndjekur verifikim për 132 subjekte, 77 prej tyre kanë përfunduar.

Çela deklaroi se janë regjistruar 13 raste të plotësimit të formularit të vetëdeklarimit me të dhëna të rreme, prej të cilave 6 nga Departamenti i Administratës Publike dhe 7 nga Komisioni Qendror i Zgjedhjeve.

Pjesë nga raportimi në Kuvend:

Gjatë vitit 2024 nga Sektori i Dekriminalizimit është ndjekur procesi i verifikimit të thelluar të të dhënave të vetëdeklaruara në formular, në zbatim të ligjit nr. 138/2015, për 132 subjekte. Nga 72 kërkesa të reja, gjatë vitit 2024 janë regjistruar 64 procese për verifikim të thelluar në zbatim të ligjit nr. 138/2015. Këto procese, sipas organeve kompetente që kanë kërkuar verifikimin e thelluar të të dhënave të vetëdeklaruara në formularë nga subjektet, për vitin 2024, u përkasin 61 kërkesave të bëra nga Departamenti i Administratës Publike, 2 të bëra nga Komisioni Qendror i Zgjedhjeve dhe 1 nga KLGJ. Gjatë vitit 2024 janë përfunduar 77 procese për verifikim të thelluar nga të cilat 39 vendime janë procese të regjistruara gjatë vitit 2024 dhe 38 vendime janë procese të mbartura nga vitet 2017 - 2023.

Nga rastet për të cilat ka përfunduar procesi i verifikimit të thelluar në vitin 2023 dhe miratuar rezultati, mbështetur në nenet 69, 74 e 76 të Kodit të Procedurës Penale, për 13 persona, materiali është kaluar për kompetencë në prokuroritë përkatëse, si të dyshuar për veprën penale të “Falsifikimi i vulave, i stampave ose i formularëve”, parashikuar nga neni 190 i Kodit Penal. Personat që kanë rezultuar të kenë plotësuar formularin e vetëdeklarimit me të dhëna të rreme, u përkasin kërkesave për verifikim të ardhurash si vijon:

6 nga Departamenti i Administratës Publike;

7 nga Komisioni Qendror i Zgjedhjeve./CNA