web counter
LEXO PA REKLAMA!

SHKARKO APP

App Store
Google Play

E fundit!

x

Raporti për vitin 2024/ Çela në Kuvend: Qarku i Sarandës, me përqindjen më të lartë të kriminalitetit

27 Tetor 2025, 13:21, Aktualitet CNA

Raporti për vitin 2024/ Çela në Kuvend: Qarku i Sarandës,

Prokurori i Përgjithshëm, Olsian Çela, po prezanton sot nga foltorja e Kuvendit, raportin për gjendjen e kriminalitetit në vend për vitin 2024. Në krahasim me vitin 2023, Çela shprehet se gjatë vitit të kaluar ka pasur një rritje të materialeve të marra në shqyrtim dhe rritjes së koeficientit të kriminalitetit për procedimet penale të regjistruara.

Kryeprokurori ka bërë me dije se në vitin 2024, përqindjen më të ulët të kriminalitetit e ka pasur Qarku i Beratit, ndërsa përqindjen më të lartë Qarku i Sarandës.

"Gjatë vitit 2024, në organin e prokurorisë janë trajtuar 61 167 materiale në shqyrtim që përbën një rritje prej 10,52 % në krahasim me vitin 2023. Janë ndjekur gjithsej 47 576 procedime penale, që përbëjnë një rritje prej 4,79 % në krahasim me vitin 2023, nga të cilat: 24 956 janë procedime penale të regjistruara, 22 441 janë procedime penale të mbartura dhe 179 janë procedime penale të rifilluara. 

Numri më i madh i procedimeve penale të regjistruara rezulton në Prokurorinë pranë Gjykatës së Shkallës së Parë me Juridiksion të Përgjithshëm Tiranë me rreth 35,5% të numrit total të procedimeve të regjistruara në shkallë vendi.

Koeficienti i kriminalitetit për procedimet penale të regjistruara, për 100 000 banorë në vitin 2024 është 1037, ndërsa në vitin 2023 koeficienti i kriminalitetit ka qenë 872. Në vitin 2024, përqindjen më të ulët të kriminalitetit për 100 000 banorë e ka Qarku Berat, ndërsa përqindjen më të lartë e ka Qarku Sarandë.

Sa u përket tendencave të kriminalitetit, procedimet për veprat penale kundër pastrimit të parave, tregojnë rritjen më të lartë prej gati 59 %, ato për falsifikim të monedhave dhe letrave me vlerë 48 %, krimet në fushën e doganave afër 40 % si dhe veprat penale në lidhje me veprimtaritë bankare dhe financiare mbi 33 %. Këto të dhëna, nisur nga karakteristikat e veprave penale, evidentojnë forcim të ndjekjes penale ndaj veprimtarive kriminale që prekin sigurinë ekonomike të vendit, si dhe forcim të bashkëpunimit institucional dhe të sistemit të mbikëqyrjes e kontrollit.

Ndërkohë ka një rritje të procedimeve të regjistruara edhe për krimet kundër jetës të kryera me dashje me 21,72 %, për veprat kundër lirisë së personit 30,59 %, për krimet seksuale gati 30%, për veprat penale kundër moralit dhe dinjitetit pothuaj 29 %, për veprat penale kundër fëmijëve, martesës dhe familjes rreth 18 %. Rritja e numrit të procedimeve në këto fusha, dikton nevojën për ndërhyrje të koordinuara për forcimin e mekanizmave ligjorë dhe socialë të parandalimit, si dhe nevojën për të garantuar mbrojtjen efektive të kategorive vulnerabël të shoqërisë", është shprehur Çela ndër të tjera. /CNA





Lajmet e fundit nga