web counter
LEXO PA REKLAMA!

SHKARKO APP

App Store
Google Play

E fundit!

x

Dëmet më të mëdha nga përmbytjet në Vaun e Dejës!/ Shkreli: Kërkuam ndihmë për rehabilitimin e përroit

26 Tetor 2025, 14:55, Aktualitet CNA


Reshjet e orëve të fundit kanë bërë që përroi Glinë në Vau Dejës të dalë nga shtrati duke bllokuar unazën e qytetit të Vaut Dejës si dhe ka sjellë përmbytjen e 100 banesave dhe bizneseve.

Kryetari i bashkisë i Vaut të Dejës, Kristjan Shkreli ka deklaruar se situata është e vështirë dhe se disa herë është kërkuar financim për rehabilitimin e Përroit pasi fondet e bashkisë janë të pamjaftueshme. Strukturat e pushtetit vendor janë në terren.

“Puna ka nisur në të gjitha njësitë Administrative. Vau i Dejës është më problematik pasi ka dalë nga shtrati përroi i Glinës. Dëmet janë të mëdha në banesa, bletë, shpendë por shpresojmë të mos kemi dëme në njerëz. Stafi i bashkisë është në terren dhe përkrah njerëzve, shpresojmë të mos kemi nevojë për evakuim. Problemi kryesor është përroi i Glinës. Kemi 5 vite që aplikojmë për rehabilitim por nuk e kemi fituar. Me fondet e bashkisë është i pamjaftueshëm rehabilitimi i plotë i tij.

Vërshim të ujit në toka e banesa ka patur edhe në fshatrat Gur i Zi dhe Bërdicë

“Përmbytja kur fillon këtu nuk mbaron. Nuk i bie askujt ndërmend për ne. Sot ka gjithë ditën dhe na ka dëmtu sepse uji ka ardhur deri në shtëpi”, ka deklaruar një prej banorëve.

“Në zonë situata është e keqe. Uji ka përmbytur tokat dhe shtëpitë. Unë kam patur 30 bletë dhe m’i ka dëmtuar të gjitha”

Në bashkitë e tjera të qarkut Shkodër probleme ka në rrugët dytësore për shkak të rënieve të gurëve dhe inerteve në bashkitë Malësi e Madhe, në zonën e Gurit të Zi, dhe në bashkitë Pukë dhe Fushë Arrëz./ CNA





Lajmet e fundit nga