web counter
LEXO PA REKLAMA!

SHKARKO APP

App Store
Google Play

E fundit!

x

Gazetarja Klodiana Lala: Ja kur do të paraqitet në SPAK zëvendëskryeministrja

25 Tetor 2025, 17:46, Aktualitet CNA

Gazetarja Klodiana Lala: Ja kur do të paraqitet në SPAK

Gazetarja Klodiana Lala ka treguar sot se zëvendëskryeministrja Belinda Balluku duhet të paraqitet në SPAK më datë 27 tetor.

E ftuar në një studio televizive, Lala zbuloi se fletëthirrja ka mbërritur në zyrën e Ballukut ditën e martë.

Gazetarja sqaroi se Balluku është marrë thjesht si person nën hetim dhe jo si e pandehur nga Prokuroria e Posaçme.

“Në drejtim të zonjës Balluku dhe në adresë të MIE është nisur të martën një fletëthirrje dhe ka mbërritur në zyrën e zonjës Balluku. Këto fletëthirrje dërgohen me korrierë specialë që marrin dhe firmën.
Në këtë fletëthirrje prokurorët e posacëm e bëjnë me dije se duhet të paraqitet në SPAK ditën e hënë më 27 tetor në ambientet e Prokurorisë në praninë e një avokati duke lënë të nënkuptohet dhe t’ia bëjë të qartë se zonja Balluku është zyrtarisht në hetim për veprën penale të shkeljes së barazisë në tendera dhe të gjitha gjasat janë që nëse ajo do të paraqitet, mundësitë janë që jo, por zonja Balluku do të njihet me akuzat penale zyrtare.
Duhet të sqaroj për të mos patur konfuzion, nuk ka statusin e të pandehurës, por është person në hetim dhe zonja Balluku është zv/kryeministrja e dytë që hyn në përballje me SPAK pas Ahmetajt që është në arrati për disa akuza të rënda, ndër të cilat për korrupsion”,-tha Lala./CNA





Lajmet e fundit nga