web counter
LEXO PA REKLAMA!

SHKARKO APP

App Store
Google Play

Zgjedhjet e pjesshme në 5 bashki/ Celibashi: Do e kemi rezultatin brenda 24 orëve

24 Tetor 2025, 22:29, Aktualitet CNA

Zgjedhjet e pjesshme në 5 bashki/ Celibashi: Do e kemi rezultatin brenda 24

Kryekomisioneri i KQZ-së, Ilirjan Celibashi ka folur sot për zgjedhjet e pjesshme që do të zhvillohen më 9 nëntor në bashkinë e Matit, Vlorës, Tepelenës, Beratit dhe Cërrikut. Në një intervistë për MCN TV, Celibashi ka njoftuar se për pak ditë do të publikohet lista përfundimtare e zgjedhësve, ndërsa shtoi se janë mbi 300 mijë votues.

Ai tha se brenda 24 orëve, pra brenda datës 10 nëntor mund të kemi edhe rezultatin e zgjedhjeve. Siç ka njoftuar edhe në daljet e tjera të tij, Celibashi tha se në këto zgjedhje do të eksperimentohet eksperimentojmë përdorimi i inteligjencës artificiale, për numërimin e fletëve të votimit. Ai bëri me dije se ky eksperiment nuk do të ketë asnjë domethënie në rezultat.

"Listën finale të zgjedhësve nuk e kemi akoma për pak ditë del lista dhe do kemi numrin përfundimtar të zgjedhësve. Janë mbi 300 mijë votues. Gjykuar nga lloji i zgjedhjeve dhe angazhimi që këto zgjedhje kërkojnë, besoj se do e kemi rezultatin e zgjedhjeve për kryetar bashkie, brenda datës 10 nëntor. Procedura ligjore është ajo që është, numërimi dhe vlerësimi i fletëve të votimit është manual, por do të eksperimentojmë përdorimin e inteligjencës artificiale, për numërimin e fletëve të votimit si eksperiment dhe nuk do të ketë asnjë domethënie në rezultat, por do të shohim se si një aplikacion do të numërojë fletët e votimit në të ardhmen. 

Kostoja e një vote shkon te 11 euro për votë, se nuk kemi votime nga jashtë për këto zgjedhje. Për votimin elektronik nuk është problem kostoje, mungesa e besimit të plotë të një pjese të votimit në këtë proces, ka bërë që të mos e aplikojmë votimin elektronik në shkallë të gjerë. Zgjedhjet e fundit kanë bindur edhe disa skeptikë, se në kuptim të integritetit që ka kjo mënyrë votimi, do ia vlente ta zgjeronim”, tha Celibashi. /CNA





Lajmet e fundit nga