web counter
LEXO PA REKLAMA!

SHKARKO APP

App Store
Google Play

E fundit!

x

Projektligji për barazinë gjinore/ Bozdo: Zhbën traditën familjare dhe krijon gjini imagjinare

24 Tetor 2025, 20:02, Aktualitet CNA

Projektligji për barazinë gjinore/ Bozdo: Zhbën traditën

Deputeti i Partisë Demokratike, Eno Bozdo ka qenë sot i pranishëm në nhë tryezë të organizuar nga Myftinia Berat.

Në një postim në rrjetet sociale, Bozdo shprehet se gjatë fjalës së tij ka theksuar nevojën e tërheqjes nga Kuvendi të projektligjit "Për Barazinë Gjiore”.

Ai shkruan se ky projektligj zhbën traditën familjare dhe ndërton gjini imagjinare. Bozdo thekson se përkufizimet e këtij projektligji hapin një rrugë të rrezikshme dhe të papranueshme për Partinë Demokratike.

Postimi i plotë:

Sot në takimin e organizuar nga Myftinia Berat, në prani edhe të Klerit Orthodoks dhe atij Katolik, të deputetëve të të gjithë spektrit politik si dhe përfaqësuesve të pushtetit vendor të Beratit.

Së bashku me kolegun tim Zija Ismailaj, theksuam nevojën e tërheqjes nga Kuvendi të P-Ligjit "Për Barazinë Gjiore", i cili në thelb, siç është paraqitur nga qeveria, zhbën traditën familjare, duke zhbërë gjinitë e vetme që ne njohim, burrin dhe gruan si thelbi i familjes dhe shoqërisë, dhe duke ndërtuar gjini imagjinare!

Përkufizimet e këtij P-Ligji hapin një rrugë të rrezikshme dhe të papranueshme për ne si deputetë të Partisë Demokratike.

Edhe amendimet nga halli të PS, nuk zgjidhin asgjë!

Ne kemi kërkuar tërheqjen e plotë të P-Ligjit dhe mosparaqitjen e tij më!

Shqipëria ka nevojë për familjen!

Familja është baza e shoqërisë!

Familja ka vetëm burrë dhe grua të lidhur me dashuri dhe respekt për njëri tjetrin! /CNA





Lajmet e fundit nga