web counter
LEXO PA REKLAMA!

SHKARKO APP

App Store
Google Play

E fundit!

x

Kontrollet e befasishme/ Zbardhen detaje, çfarë u gjet në burgun e Durrësit

25 Tetor 2025, 11:48, Aktualitet CNA

Kontrollet e befasishme/ Zbardhen detaje, çfarë u gjet në

Janë zbardhur detaje të reja nga kontrollet e befasishme në burgun e Durrësit. Sipas informacioneve, oficerët e policisë kanë gjetur pesë telefona iPhone, që ishin fshehur në dyert e dusheve në katin e tretë të Godinës “A”.

Dyshohet se këto telefona u përkisnin tre të dënuarve. Bëhet me dije se kontrollet vijojnë ende për të zbuluar sende të tjera të paligjshme.

“Në orët e mëngjesit të sotëm, forcat operacionale të Drejtorisë së Përgjithshme të Burgjeve kanë zhvilluar një kontroll të befasishëm në Institucionin e Ekzekutimit të Vendimeve Penale (IEVP) Durrës.

Gjatë kontrollit janë gjetur pesë aparate telefoni celular të markës iPhone, të cilat përbëjnë sende të ndaluara në ambientet e institucionit. Sendet janë gjetur të fshehura në dyert e dusheve (ambient i përbashkët), në Godinën “A”, kati i tretë, Sektori 1.

Dyshohet se këto telefona i përkisnin të dënuarve me inicialet F. K., A. P. dhe V. I. Në lidhje me rastin, po vijon puna hetimore për identifikimin e plotë të personave përgjegjës dhe mënyrën se si janë futur sendet e ndaluara në institucion”, thuhet në njoftim. /CNA





Lajmet e fundit nga