E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

69 ditët e mashtrimit publik/ Erion Veliaj dhe Mero Baze vijojnë të gënjejnë shqiptarët

25 Tetor 2025, 14:25, Aktualitet CNA

69 ditët e mashtrimit publik/ Erion Veliaj dhe Mero Baze vijojnë

Erion Veliaj dhe Mero Baze vazhdojnë të mashtrojnë opinionin publik në lidhje me akuzat ndaj prokurorit Ols Dado, se ky i fundit ka kërkuar një shtesë mbi lejen e ndërtimit dhe se ka nisur hetimet për hakmarrje dhe në konflikt interesi ndaj kryebashkiakut të shkarkuar.

Prej 69 ditësh, Erion Veliaj dhe Mero Baze nuk kanë nxjerrë asnjë dokument me firmën e Ols Dados dhe refuzimin me firmën e kryebashkiakut të shkarkuar dhe arrestuar me 13 akuza dhe 5 vepra të rënda penale.

Gazetari i familjes Veliaj, Mero Baze dhe kryebashkiaku i shkarkuar vijonë të mashtrojnë shqiptarët me gënjeshtra që vijnë si sulme ndaj drejtësisë, prokurorëve dhe gjyqtarëve.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

69 ditët e mashtrimit publik/ Erion Veliaj dhe Mero Baze vijojnë

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

69 ditët e mashtrimit publik/ Erion Veliaj dhe Mero Baze vijojnë

Pse nuk e nxjerr Veliaj, dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia. Pse nuk e vërteton Mero Baze te "Tema" e Veliajt?

69 ditët e mashtrimit publik/ Erion Veliaj dhe Mero Baze vijojnë

Pse nuk e publikon dokumentin me firmën e Ols Dados dhe refuzimin me firmë të Erion Veliajt?

Fakti është se Erion Veliaj, kryebashkiaku tashmë i shkarkuar ka 13 akuza për 5 vepra të rënda penale.

Veliaj është kapur 9 herë në korrupsion, në shpërdorim detyre, në pastrim të produkteve të veprës penale, të fshehjes së pasurisë, futjen e sendeve të ndaluara në qeli.

Sot janë mbushur plot 69 ditë nga mashtrimet e Veliajt dhe Mero Bazes që janë një sulm që i bëhet drejtësisë./ CNA