web counter
LEXO PA REKLAMA!

SHKARKO APP

App Store
Google Play

E fundit!

x

Moti i keq përfshin vendin/ Problematikat në qarkun e Shkodrës

26 Tetor 2025, 11:05, Aktualitet CNA

Moti i keq përfshin vendin/ Problematikat në qarkun e Shkodrës

Moti i keq me reshje shiu ka përfshirë të gjithë vendin. Sipas të dhënave  nga strukturat vendore të Mbrojtjes Civile për situatën, Prefekti i Qarkut Shkodër ka bërë me dije se në pesë bashkitë e Qarkut Shkodër (Shkodër, Malësi e Madhe, Vau Dejës, Pukë dhe Fushë Arrëz) vijojnë reshje shiu, kryesisht me intensitet të lartë.

Në bashkinë Fushë Arrëz raportohen rënie gurësh dhe inertesh në rrugë rurale si dhe prezencë e ujit në akse rrugore.

Drejtoria e Ujitjes dhe Kullimit Lezhë bën me dije se nga rreth 150 mm reshje shiu shumë intensive në 24 orët e fundit, deri tani nuk janë konstatuar probleme në kanalet kryesore të kullimit, në argjinaturat mbrojtëse apo në digën e rezervuarit Shtoder. Situata po ndiqet në terren nga punonjësit dhe do të ndërhyhet në rast konstatimi problematikash.

Bashkia Shkodër bën me dije se, në njësinë administrative Gur i Zi (qendër) po merren masa për pastrimin e urës dhe përroit që ka shkaktuar problematika; janë vënë në dispozicion edhe mjete shtesë për ndërhyrje.

Bashkia Vau Dejë bën me dije se, raportohen përmbytje banesash në njësitë administrative Bushat, Vau Dejës dhe Hajmel, sipas raportimeve të deritanishme. Lumi Glinë rrezikon daljen nga shtrati dhe per pasoje rrezikon permbytjejen e 1/3 se territorit te qytetit.

Gjendja vijon të monitorohet në mënyrë të vazhdueshme nga të gjitha strukturat përkatëse./ CNA





Lajmet e fundit nga