web counter
LEXO PA REKLAMA!

SHKARKO APP

App Store
Google Play

Referimet për hetime/ Çela: 27 raste nga SPAK-u, 72 nga Policia, 10 nga partitë politike

27 Tetor 2025, 14:08, Aktualitet CNA

Referimet për hetime/ Çela: 27 raste nga SPAK-u, 72 nga Policia, 10

Kreu i Prokurorisë së Përgjitshme, Olsian Çela, ka ndarë sot në Kuvend edhe të dhëna lidhur me kontributet për referime për nisjen e proceseve hetimore.

Duke iu përgjigjur një pyetjeje nga opozita, Çela deklaroi se sipas referimeve, rezulton se në 127 kallëzime penale, 72 raste janë referuar nga Policia, 10 raste nga subjektet politike, 7 raste nga individë.

Numri më i madh i rasteve të referuara, sipas Çelës, ka ardhur nga materialet e Prokurorisë së Posaçme, SPAK. 

“Krijuam një mekanizëm të bashkëpunimit me të gjitha agjencitë ligjzbatuese, duke përfshirë edhe KQZ-në. Ajo që ju i referoheni është e vitit 2025. Unë arrita të nxjerr shifrat që lidhen me kontributin e dhënë për referimet në këtë rast. Nga referimet e bëra rezulton se në 127 kallëzime penale, 72 raste janë referuar nga Policia. Nga subjektet politike janë referuar 10 raste. Kallëzime nga shtetas janë 7 rastet. Të ardhura si materiale nga SPAK-u janë 27 raste. Sa i përket cilësisë, nuk e kam këtë të dhënë sot. Duhet marrë nga prokuroritë sipas kodit të procedurës penale”,-tha Çela./CNA





Lajmet e fundit nga