web counter
LEXO PA REKLAMA!

SHKARKO APP

App Store
Google Play

E fundit!

x

Hetimet për pastrimin e parave/ Kryeprokurori: Rezultatet janë pozitive, Drejtoria e Tatimeve të shtojë referimet

27 Tetor 2025, 13:58, Aktualitet CNA

Hetimet për pastrimin e parave/ Kryeprokurori: Rezultatet janë

Prokurori i Përgjithshëm, Olsian Çela, po vijon me përgjigjet për pyetjet e deputetëve. I pyetur për hetimet për veprën penale të pastrimit të parave, Çela tha se ka rezultate pozitive të prokurorive. Ai tha se është rritur numri i të pandehurve dhe i procedimeve penale.

"Sa i përket hetimit të pastrimit të parave, në 7 prokurori të vendit kemi seksione të posaçme, ndërsa në prokuroritë e tjera kemi prokurorë për këto vepra penale. Sa u përket ndërtimeve, të dhënat sa u përket sekuestrimeve të pasurive të paluajtshme janë pozitive. Nuk mund të specifikoj se ku gjenden sipërfaqet e sekuestruara, por rëndësi ka qasja pozitive. Shifrat janë konkrete, si numri i të pandehurve dhe numri i procedimeve penale dhe hetimi i krimit financiar", tha Çela.

Ndërkohë i pyetur për referimet nga Drejtoria e Tatimeve, kryeprokurori tha se situata nuk është në nivele të kënaqshme. Ai shtoi po ashtu se duhet rritur cilësia e referimit nga Drejtoria e Doganave dhe Tatimeve, në mënyrë që hetimet të kenë rezultate pozitive.

"Nuk mendoj se situata është e kënaqshme. Presim më shumë kontribut nga Drejtoria e Tatimeve për referime lidhur me veprën penale të pastrimit të parave. Kuadri ligjor është i plotë, ne kemi strukturat, ajo që mbetet është të rrisim në mënyrë cilësore punën. Sfidat lidhen me cilësinë e bashkëpunimit. Shpeshherë mungon cilësia e referimit që të çojnë në rezultate pozitive të hetimeve. Si Drejtoria e Tatimeve dhe doganat duhet të rrisin cilësinë e referimeve", tha kryeprokurori.  /CNA





Lajmet e fundit nga