web counter
LEXO PA REKLAMA!

SHKARKO APP

App Store
Google Play

Hetimet për ndërtimet pa leje/ Prokurori i Përgjithshëm jep detaje në Kuvend

27 Tetor 2025, 14:13, Aktualitet CNA

Hetimet për ndërtimet pa leje/ Prokurori i Përgjithshëm jep

Kryeprokurori Olsian Çela u është përgjigjur pyetjeve të deputetëve lidhur me çështjen e ndërtimeve pa leje dhe referimet për këtë.

Çela u shpreh se ka një rritje të aktivitetit të kryer nga prokuroria për goditjen e fenomenit në fjalë. Ai shtoi se mund të ketë trajtim të shpejtë të rasteve, por mund të ketë edhe mungesë të hetimeve për zyrtarët përgjegjës që nuk kanë kryer detyrën për ndërtimet pa leje.

"Unë mund t;ju jap shifrat e vitit 2024. Janë shumë çështje sepse çdo vit ka një numër të lartë për këto çështje. Kemi për 2024, Procedimet 1130, të pandehur 207, të dërguar në gjykim 358, të pandehur, të dënuar 400. Në kuptim të të dhënave dukshëm ka një rritje të aktivitetit të kryer nga prokuroria në goditje të fenomenit. Nuk mund të jap një të dhënë për përgjegjësi penale për IMT. Sa herë ka ndërtim të paligjshëm duhet hetuar. Hetimet janë të lidhura, ndërtimi i paligjshëm mund të jetë i lidhur me shpërdorim detyre. Unë vlerësoj që jo në çdo rast, çdo shkelje është vepër penale. Është një fenomen që ndërtohet rast pas rasti. Prokuroritë kanë një trajtim të shpejtë të rasteve, por mund të ketë edhe mungesë të eficiencës në drejtim të zyrtarëve përgjegjës që nuk kanë kryer detyrën për ndërtimet pa leje", tha Çela. /CNA





Lajmet e fundit nga