web counter
LEXO PA REKLAMA!

SHKARKO APP

App Store
Google Play

Ligji për ish spiunët/ Bardhi bën avokatin e Metës

21 Shtator 2022, 20:57, Aktualitet CNA
Ligji për ish spiunët/ Bardhi bën avokatin e Metës
Gazment Bardhi

Gazment Bardhi ka bërë sot avokatin e kreut të Partisë së Lirisë, Ilir Meta.

I ftuar në “Radarin Infromativ”, Bardhi është shprehur se I beson Ilir Metës, kur thotë se nuk ka qenë bashkëpunëtor ish-Sigurimit të Shtetit.

“Unë kam dëgjuar zotin Meta që e mohon të jetë subjekt i ligjit, kallëzues apo bashkëpunëtor i sigurimit. Pavarësisht se kush është emri, ky ka qenë një qëndrim i kahershëm i PD, bashkëpunëtorët e sigurimit të shtetit, do duhet të mos jenë pjesë e jetës politike. Në aspektin politik është koherenca e PD.

Së pari nuk shpërqendron kjo çështje vëmendjen nga asnjë çështje, kjo është një nga çështjet që duhet të merremi. Nëse dikush nga PD ka ndryshuar qëndrimin e tij në raporton me kërkesën për lustracion, është problem i tyre. Emri i individit, nëse ka qenë bashkëpunëtor i sigurimit, punëtor i byrosë, do duhet të mos jenë pjesë e jetës aktive publike. Pas 32 viteve që kemi bërë sikur kemi bërë, ky është momenti për të qenë të sinqertë.

Kam dëgjuar zotin Meta që e mohon. Si qenka i lidhur me të ky ligj. Unë i besoj zotiti Meta kur thotë që unë nuk kam qenë bashkëpunëtor i Sigurimit të Shtetit. Autoriteti i Dosjeve nuk ka thënë që zoti Meta ka qenë bashkëpunëtor, ka këkruar vetëm të verifikojë”, tha Bardhi./ CNA.al





Lajmet e fundit nga