web counter
LEXO PA REKLAMA!

SHKARKO APP

App Store
Google Play

E fundit!

x

“E vranë me çip në tru”/ Nëna e Kastriot Myftarajt hedh dyshimet e forta, çfarë ndodhi në 24 qershor

21 Shtator 2022, 16:08, Aktualitet CNA
“E vranë me çip në tru”/ Nëna e Kastriot
Gazetari, Kastriot Myftaraj

Nëna e gazetarit Kastriot Myftaraj, për të cilin u raportua se u vetëhodh nga kati i katërt i banesës, ka treguar dyshimet e saj mbi ngjarjen.

Gjatë një rrëfimi për gazetën "Sot", Violeta, nëna e Kastriot Myftarajt, tha se ajo nuk e dinte për sëmundjen e të birit dhe gjithashtu mendon se nuk është vetëvrarë, por e kanë vrarë.

Në një pjesë të intervistës, ajo hedh dyshime të forta, duke thënë se çipat e virusit ishin futur që në 24 qershor, ndërsa pyet mikun e djalit të saj.

“Unë dua ta pyes ketë 'mikun e ngushte', me Kastriotin ishte me 24 qershor? Sepse qe nga ajo ditë ky person u ndje me 9 korrik, dy dite pas vdekjes së tim biri. Pra, ky paska qenë personi që paska ndjekur sistematikisht vdekjen e tim biri, se ndryshe nuk kanë si shpjegohen shpifjet që bën ai për Kastriotin. Bile ky i paudhë që i kishte dalë në udhë përpara tim biri njëlloj si ata të pabesët që të dalin në pritë së bashku me një sokakqar tjetër të rrugëve të Tiranës aq merak e kishte fundin e Kastriotit sa merrte vesh c’po ndodhte me të edhe në spital.

Kishte merak nëse do te realizohej ajo për të cilën ishte paguar apo do dështonte. Mos vallë dhe në spital së bashku me sokakqarin kishte spiunin e tij, apo kishte spiun vet sokakqarin që e shoqëron, i cili ishte i lidhur me spitalin. Çipat e virusit malinj ishin futur qe më 24 qershor, cfarë nuk ndodh tani, dalin edhe çipa malinjë. Çfarë nuk ndodh tani në kete botë të ndyrë. Per 13 dite ikën tjetri pa pasur asnjë dhimbje. Ky B.M paska qene aq i kamufluar sa askush nuk e paska njohur deri me sot. Ndoshta mund të ketë edhe ndonje bashkëpunëtor tjetër ose disa te tjere përveç sokakqarit, se gjithe ato shpifje që ka bërë ky, nuk mund t’i bënte vetë. Ky me shpifjet e tij kërkon ta nxjerre të semurë Kastriotin që femijë dhe sigurisht këtë e bën për të mbuluar atë që bëri vete me 24 qershor. Nuk ka asnjë shpjegim tjetër shkrimi në portalin 'Drita' me 9 korrik pas vdekjes së tim biri. Shpifje që edhe në endërr t'i shikoja, do isha tmerruar.

Nuk mund ta kuptoj tërë atë mllef të atij njeriu tani pas vdekjes. Sa kohë kishte që e kishte mbledhur tërë atë vrer, dhe pse nuk e bëri sa ishte im bir gjallë? As armiku me i egër nuk e bën këtë makabritet. Por Harbuti nuk bëhet kurrë Fisnik. Ne shkrimin e atij portali, burracaku i pa besë s’kish lënë të gjallë e të vdekur të familjes sonë pa përmendur, bile edhe ata që kanë vdekur para 100 vjetësh. Ku i kishte gjetur ata emra njerëzish që ne s’i njihnim fare. Ku i kish psonisur ato fshatra që ne as nuk i kemi shkelur ndonjeherë. Sigurisht të kanë paguar për këto shpifje të cilat i ke bërë me ndihmën e azatit. Bile jo vetem ty, por edhe ata qe t’i kanë thënë janë paguar. Por cili është pas jush nuk e di…?

Sigurisht, do t’ju dalë tymi ndonjë ditë. E nis rrefimin tënd që në fillim me gënjeshtra, thua që gjyshi i Kastriotit ishte Qazim Leka. Se ku e ke gjetur kete genjeshter duhet te na e thuash ti. Gjyshi i Kastriotit, i cili ishte dhe babai im, quhej Mit-hat Leka, nga fisi i Lekajve te Berzishtës. Kishte mbaruar shkollën normale të Elbasanit dhe ushtroi profesionin e tij si mësues derisa doli ne pension. Këtë Qazimin, na e thuaj ti ku e gjete, megjithese ti nuk je nga ata burra qe del ballë për ballë, por e fsheh kokën si struci. Sa për atë që thua na la jetime dhe u rritëm në Hotolisht, në Hotolishtin tënd e kemi parë vetem kur kemi kaluar me makinë andej. Ne jemi rritur në fshatin tonë ne mes të 10 burimeve të cilat vinin në lëvizje 2 mullinj dhe një hidrocentral nga i cili merrte dritë gjithe fshati, para se të behej elektrifikimi i gjithë Shqiperise. Ne kemi qenë nje familje e rregullt. Babai na rriti, na shkolloi dhe na martoi sipas traditave shqiptare të asaj kohe”, është shprehur nëna e gazetarit./CNA.al





Lajmet e fundit nga