web counter
LEXO PA REKLAMA!

SHKARKO APP

App Store
Google Play

E fundit!

x

Hapja e dosjeve/ Bushka: Disa emra me certifikatë pastërtie, nuk rezultojnë të tillë

21 Shtator 2022, 12:33, Aktualitet CNA
Hapja e dosjeve/ Bushka: Disa emra me certifikatë pastërtie, nuk
Klotilda Bushka

Kryetarja e Komisionit të Ligjeve, Klotilda Bushka, deklaroi gjatë mbledhjes së sotme se ka disa personazhe që edhe pse mund të kenë pasur një certifikatë pastërtie të mëparshme, nuk rezultojnë të jenë të tillë si rezultat i dokumenteve të reja që dalin në dritë.

“Pavarësisht fakteve të tjera që mund të dalin në dritë që përmbysin deklaratat e mëparshme si ish-komisionet Bezhani apo Mezini, duke pasur ndalim në ligj, mungon kompetenca lëndore e shqyrtimit të akteve.

Autoriteti nuk ka dot mundësinë të bëjë shqyrtim aktesh se nëse do ta bënte do ishim në kushtet e pavlefshmërisë absolute të një akti administrativ. Nisur nga shpeshtësia e informacioneve të cilat rrëzojnë herë pas herë deklarata të mëparshme pastërtie ka lindur e nevojshme që kjo pengesë ligjore të evitohet për arsyen e parë që në kuadër të transparencës dhe të drejtës të informimit, duhet që ligjvënësi ta pajisë autoritetin me të gjitha mundësitë për të realizuar punën e vet.

E dyta, dhe pse kanë kaluar shumë vite nga ai regjim, ende ka shumë dritëhije, ende ka të informacione pasakta, ende ka të vërteta që rrëzohen dhe opinioni do të duhet të informohet në mënyrë profesioniste, të vërtetë, mbi atë që ndodh për personazhe të ndryshëm që dhe pse mund të kenë pasur një certifikatë pastërie të mëparshme, nuk rezultojnë të jenë të tillë si rezultat i dokumenteve të reja që dalin në dritë.

Kjo është një çështje që është e natyrës kombëtare, një çështje që do duhet t'i shërbejë së vërtetës, që të ketë një pajtim social, që njerëzit që kanë vuajtur në atë regjim e ata që nuk kanë vuajtur të dinë çfarë historish, çfarë të vërtetash ka rreth individëve të caktuar se kur nuk e zbulojmë të vërtetën si është, shanset janë që historitë e këqija përsëriten. Kam dëgjuar shpesh që thonë pse sot, asnjëherë nuk është vonë në shërbim të së vërtetës”, tha Bushka./CNA.al





Lajmet e fundit nga