web counter
LEXO PA REKLAMA!

SHKARKO APP

App Store
Google Play

Lufta kundër krimit të organizuar/ Fabrizio Bucci i shkon në zyrë Rumbullakut, çfarë u diskutua

21 Shtator 2022, 14:59, Aktualitet CNA
Lufta kundër krimit të organizuar/ Fabrizio Bucci i shkon në
Muhamet Rrumbullaku dhe Fabrizio Bucci

Drejtori i Përgjithshëm i Policisë së Shtetit Drejtues Madhor Muhamet Rrumbullaku priti në një takim prezantues, ambasadorin e Italisë në Shqipëri, Fabrizio Bucci, i cili shoqërohej nga drejtuesit e Interforcës italiane në Shqipëri.

Drejtori i Përgjithshëm i Policisë falënderoi ambasadorin, për vizitën, kontributin dhe mbështetjen e dhënë nga ana e tij për Policinë e Shtetit. Ai e njohu ambasadorin, me standardet që kërkon të vendosë, për të pasur një qasje të re ndaj qytetarëve, ndaj luftës kundër krimit të organizuar dhe krimit në përgjithësi.

Drejtori i Policisë e garantoi ambasadorin se bashkëpunimi mjaft i mirë i deritanishëm do të thellohet akoma më tej, për të luftuar më me efikasitet krimin e organizuar, trafiqet e paligjshme, kultivimin dhe trafikimin e lëndëve narkotike. 

Shtimi i grupeve hetimore të përbashkëta, shkëmbimi i informacionit në kohë reale, duke eliminuar çdo pengesë apo burokraci, si dhe zhvillimi i operacioneve të përbashkëta me policinë italiane, janë mënyrat e duhura për të arritur rezultate më të mira.

Prioritare për policinë e shtetit janë edhe reformimi i Akademisë së Sigurisë sipas modelit të Akademisë së Sigurisë të Italisë dhe forcimi i strukturave për hetimin e krimeve kibernetike.

Ambasadori Fabrizio Bucci e uroi Drejtorin e ri të Përgjithshëm të Policisë së Shtetit, për detyrën dhe e siguroi për mbështetjen e ambasadës dhe të Policisë italiane, për thellimin e bashkëpunimit në të ardhmen, për të përmbushur sa më mirë misionin e përbashkët, luftën pa kompromis kundër krimit të organizuar, krimit kibernetik dhe terrorizmit. Bucci theksoi se tashmë është koha për të arritur rezultate më të mira nga ana e policisë së shtetit.





Lajmet e fundit nga