web counter
LEXO PA REKLAMA!

SHKARKO APP

App Store
Google Play

Berisha nuk ndal akuzat: Qeveria ka dy standarde për ndërtimet pa leje

21 Shtator 2022, 13:43, Aktualitet CNA

Berisha nuk ndal akuzat: Qeveria ka dy standarde për ndërtimet pa leje

Ish-kryeministri Sali Berisha në fjalën e tij gjatë mbledhjes së grupit parlamentar të Partisë Demokratike ka folur lidhur me ndërtimet pa leje.

Ai shprehet se kryeministri dënon qytetarët e thjeshtë dhe favorizon oligarkët që bëjnë kulla.

“Autori i ndërtimit dënohet 5-8 vjet burg, sipas ndërtimit. Këto janë dispozitat e vendosura nga Kodi Penal dhe të votuara nga kjo pseudomazhorancë. Bazuar në këtë bazuar në një kotec, avulli apo një dhomë shtesë, janë dënuar me burg qytetarët. Janë ndjekur penalisht mijëra e mijëra të tjerë. Kurse tani kur vjen problem te kullat e qverisë te pallatet e qeveritarëve dhe klientelës së tyre, për ata ligji nuk ekziston. Edi Rama bën vendimin e amnistisë së tyre. Ky është një dhunim flagrant i parlamentit, i cili me kushtetutë është institucioni i vetëm që ka të drejtë të qeverisë. Për pallatet misteri i Belindës, ishte pallati 8 kat. Për pallate të tjera për kulla 8-katëshe, 8 kate mbi leje, jo që nuk ka asnjë ndëshkim, por ka legalizim mbi bazën e një pazari të turpshëm të Edi Ramës. Flitet se Edi Rama është aksioner në çdo kullë. Unë nuk mund të them, por një kryeministër që firmon një akt të tillë, që shkelmon mbi kushtetutën penale të vendit, që është kodi penal. Një kryeministër që bllokon, që nuk ka asnjë të drejtë asnjë në Shqipëri, as Presidenti, nuk ka të drejtën e faljes për ata që janë në proces gjyqësor. Pas procesit ekziston që fal presidenti. Por këtu një njeri që kontroll çdo pushtet dhe që ka interesin vetëm të tij dhe të familjes të tij, është i pashembullt”./CNA.al

 

 

 





Lajmet e fundit nga