web counter
LEXO PA REKLAMA!

SHKARKO APP

App Store
Google Play

E fundit!

x

Sulmet kibernetike/ Zv.ndihmëssekretari i NATO-s: Nuk jeni vetëm

21 Shtator 2022, 15:48, Aktualitet CNA
Sulmet kibernetike/ Zv.ndihmëssekretari i NATO-s: Nuk jeni vetëm
Zëvendësndihmëssekretari i përgjithshëm i NATO-s, James Appathurai

Zëvendësndihmëssekretari i përgjithshëm i NATO-s për sfidat dhe zhvillim të sigurt, James Appathurai, ka shprehur mbështetje për Shqipërinë për sa u përket sulmeve kibernetike.

Gjatë një konference të përbashkët për shtyp me ministrinë e Mbrojtjes, Niko Peleshi, Appathurai tha se NATO i ka qëndruar dhe do t'i qëndrojë pranë Shqipërisë.

“Ne njohëm që Shqipëria po pëson sulme të rënda kibernetike dhe duam t’ju themi se nuk jeni vetëm dhe ne do ju mbështesim, të gjitha vendet e NATO-s e njohin dhe shikojnë sulmin e Shqipërisë dhe ky është mesazhi që sekretari i përgjithshëm i dha kryeministrit Edi Rama. Sigurisht doja të theksoja dhe përpjeket e shumta që ka bërë shteti shqiptar duke nisur nga qeveria deri poshtë te niveli i ulët për të përballuar këto sulme që janë bërë. Sigurisht ndihma ka ardhur nga NATO, ka ardhur në nivel teknik nga vende të ndryshme të NATO-s, por edhe në nivelin individual nga struktura të ndryshme. Unë dhe ekipi im kemi ardhur këtu për disa arsye të ndryshme, por fillimisht arsyeja kryesore është për të parë situatën dhe për të bërë një koordinim të aleatëve dhe zyrave qendrore të NATO-s në lidhje me sulmin kibernetik që ka ndodhur, për të parë nevojat afatgjata që i nevojiten Shqipërisë për të ndërtuar një rrjet mbrojtjeje ndaj këtyre sulmeve kibernetike dhe Shqipëria po bën hapa përpara në këtë fushë”, u shpreh Appathurai./ B.A. - CNA.al





Lajmet e fundit nga